Seguransa Sivil PR Hakotu Iis

DILI, STLNEWS.co – Seguransa Sivil husi Prezidensial Republika, Vidal da Costa hakotu ona iis iha loron Tersa (07/09/2021) hodi fila hikas ba Nai nia kadunan santu.

Iha biban nee Adjuntu Xefe Kasa Militar, Eugenio Pereira hamutuk ho Diretores no funsionariu Prezidensia Republika presta omenajen ba saudozu Vidal da Costa neebe fila hikas ba Aman Maromak nia kadunan santu iha loron 7 fulan Setembru tinan nee.

Saudozu Vidal da Costa moris iha Manufahi loron 14 fulan Marsu tinan 1959, durante tempu okupasaun matebian involve iha prosesu luta ba libertasaun iha tinan 1991 to’o tinan 1993 asumi nuudar vise responsavel, tinan 1994 to’o tinan 1999, saudozu hetan detensaun prolongada no to’o ikus governu rekoñese nia dedikasaun no hetan pensaun subsistensia tinan 8 to’o 14.

Iha loron 28 fulan Novembru tinan 2008 omenajen husi estadu, saudozu hetan kondekorasaun Ordem Nicolau Lobato.

Saudozu hahu Halao knaar nuudar seguransa sivil husi loron 25 fulan Fevereiru tinan 2000 no sai funsionariu permanente iha loron 1 fulan Janeiru tinan 2009 to’o ohin loron.

Saudozu hahu destaka iha Palacio das Sinzas husi tempu Prezidente Republika Xanana Gusmão, depois muda ba Palásiu Presidente Nicolau Lobato Bairo-Pite to’o hakotu nia vida. Saudozu husik hela nia feen kaben Paulina da Conceição no oan na’in neen (6) no bei oan nain tolu (3).*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: