Seidauk Oportunu CNRT Deklara Kandidatura Ba PR

DILI, STLNEWS.co – Partidu Congresso Nacional de Reconstrução de Timor (CNRT) deklara, seidauk oportunu Partidu CNRT atu deklara nia kandidatura ba Prezidente Republika tinan 2022 to’o 2027.

Tuir Vise Prezidente CPN Partidu CNRT Virgilio Smith katak, iha loron 16 fulan Setembru tinan 2021. Membrus husi Komisaun Politika Nasional Partidu CNRT halibur malu iha sede partidu, Bairru dos Grilos, Dili, hodi hasai komunikadu katak, bazeia ba estatutu Partidu CNRT, seidauk deside nia kandidatura ba Prezidente Republika iha tempu agora, tanba tempu nee seidauk oportunu. Konaba kandidatu partidu nian, neebe sei konkorre ba eleisaun prezidensiais ba periodu tinan 2022-2027.

“Ita haree ba situasaun politika atual, membrus husi Konferensia Nasional Partidu CNRT sei reune, iha oportunidade, ho hanoin atu deside konaba kandidatu, partidu sei apoiu iha eleisoens prezidensiais neebe sei mai,” dehan Vise Prezidente CPN Virgilio Simith liu husi konfrensia imprensa Sesta nee (17/09/2021) iha Sede Partidu CNRT, Bairru dos Grilos.

Vise  Prezidente nee haktuir, informasaun neebe lao iha publiku nia leet katak, Xanana Gusmão ka Partidu CNRT rasik, apoiu daudauk ona kandidatus balun, tanba nee Komissaun Politika Nasional husi Partidu CNRT deklara iha nee katak, buat née hotu lalós no mesak lia falsu. Nuudar partidu politiku ida, CNRT defende katak, tenke tuir didiak regras neebe preve ona iha ninia estatutu, tan nee hakarak informa ba públiku em jeral, no militantes partidu nian em partikular katak, Partidu liu husi ninia órgauns masimus neebe hatur ona iha ninia estatutu, sei hasai desizaun ruma iha tempu neebe oportunu, konaba kandidatu ida neebe maka Partido sei fó ninia apoiu politiku tomak, no missaun atu salva guarda Estado de Direito Demokratiku, tuir saida mak hakerek ona iha Konstituisaun RDTL nian.

Tanba nee Komisaun Politika Nasional hakarak fo hatene ba publiku katak, Partidu CNRT seidauk, no sei la orienta kualker partidu ida atu lori fali Prezidente Partidu CNRT nia naran hodi fo apoiu ba partidu sira nee.*

Reportajen: Madalena Horta/Donanciano Magalhaens

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...