Seidauk Simu Rezignasaun Hanjam

DILI, STLNEWS.co – Ministru Prezidensia Konselu Ministru (MPKM) Fidelis Leite Magalhães informa dadaun nee nia parte seidauk simu karta rezignasaun husi Ministru Finansas Fernando Hanjam.

Informasasaun neebe sirkula ona iha publiku katak Ministru Finansas (MF), Fernando Hanjam aprezenta karta rezignasaun ba xefe governu tanba kondisaun saude la permite atu kontinua serbisu. “Ami laiha informasaun kona ba ida nee, hau mos rona husi media balun kona ba ida nee mas laiha informasaun neebe ami atu divulga ou komenta kona ba asuntu ida nee,” dehan Fidelis iha Palasiu Governu, Kuarta (14/10/2020).

Nia hatutan tuir infromasaun neebe nia parte simu dadaun nee ministru finansas iha faze rekuperasaun ba nia Saude. Tanba nee, nia parte labele fo komentariu uluk wainhira Ministru Finansas Fernando Hanjam seidauk aprezenta karta rezignasaun ba xefe governu.

Iha fatin hanesan, Vise Ministra Finansas Sara Lobo Brites dehan, nia parte mos seidauk hatene kona ba Ministru Finansas atu aprezenta karta rezignasaun ba Primeiru Ministru (PM) Taur Matan Ruak. “Hau laiha informasaun konaba asuntu ida nee,” dehan Vise Ministra Finansas Sara Lobo Brites. *

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Oinsá Hapara Síklu Husi Notísia...

Lei Eleitoral 3 Aprovadu Iha Jeneralidade, Tama Espesialidade

DILI, STLNEWS.co - Parlamentu Nasional (PN) aprova ona proposta alterasaun lei eleitoral 3 (Orgaun administrasaun Eleitoral, Resensiamentu Eleitoral ho Eleitoral Prezidente Republika) iha jeneralidade...

Bankada CNRT Preokupa Funsionamentu Justisa Hasoru CNRT

DILI, STLNEWS.co - Bankada CNRT preokupa funsionamentu setor justisa neebe halo hasoru bankada CNRT, tanba bankada nota iha persegisaun polítika hasoru estrutura no militantes...
%d bloggers like this: