SEII Abertura Workshop Hametin Partisipasaun Feto Iha Eleisaun

DILI, STLNEWS.co – Sekretaria Estadu Igualdade no Inkluzaun (SEII) halao abertura ba workshop nasional, ho tema ‘hametin partisipasaun feto iha eleisaun’.

Tuir SEII Maria Jose Fonseca katak, agora dadaun iha ekipa ida  servisu makaas, i ekipa neebe iha esperensia no servisu iha eleisaun dala hira ona, iha tinan lima ba kotuk ho kampana 100% ho prontu.

“Agora dadaun, ohin ita halo abertura ba workshop iha nivel nasional ida nee, no ita loke ona dalan ba preparativus seluk, aleinde nivel nasional no munisipiu sira inklui RAEOA, hodi hakat ba hasoru eleisaun, laos deit eleisaun prezidensial, maibe lejislativa parlamentar nian, nomos ba iha eleisaun suku neebe atu akontese, nomos desentralizasaun prinsipal neebe sei akontese,” tenik Maria Jose Fonseca ba jornalista sira iha salaun Delta Nova, Dili, Segunda nee (27/09/2021).

Governantes nee dehan, preparativus sira nee, orsida iha workshop ida nee parseriu sira hamutuk, hotu – hotu sei fahe hanoin, nomos reprezentante husi lideransa komunitaria sira hotu, sei fahe esperiénsia neebe sira iha desde tinan lima ona, sira sei mai hotu – hotu fahe hanoin, aleinde maluk sira husi sosiedade sivil no organizasaun oin – oin neebe iha mak hanesan, Caucus, Plan sira iha esperensia lubuk boot ida, sira sei tau hanoin hamutuk, preparativus husi ohin ba oin sei halo diak liu tan.

Ekipa la halo aprosimasaun, maibe ekipa prontu apoiu maluk sira neebe mak atu kandidata an.

Iha fatin hanesan, Diretora Fundasaun CAUCUS Terezinha Maria Noronha hatete, hanoin hotu – hotu akompana prosesu dezenvolvimentu demokrasia iha Timor Leste, haree katak sistema ida nee sistema neebe nakloke transparantes, no komesa fo ona oportunidadade ba ema hotu iha partisipasaun, hodi dezenvolve nasaun ida nee.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...