SEJD-CONTL-CDTL Deskute Eventu Internasional Olympic-Sea Games

DILI, STLNEWS.co – Sekretariu Estadu Juventude no Desportu (SEJD) hamutuk ho Comite Olimpico Nasional Timor-Leste (CONTL) no Confederasaun Desporto Timor-Leste (CDTL), deskute konaba Timor Leste atu partisipa eventu internasional rua iha tinan nee.

Sekretariu Estadu Joventude no Desportu, Abrão Saldanha dehan parte SEJD iha esperansa katak eventu internasionais rua nee, atletas tenke tuir maibe presiza tau atensaun mos ba situasaun global pandemia Covid-19.

“Tinan nee iha eventu dimensaun internasionais rua mak, Olympic Games no Sea Games, jogu olimpico sei hahu iha fulan Jullu too Agusto, Sea Games sei hahu iha fulan Novembro too Dezembro 2021, entaun SEJD bolu CONTL no CDTL, atu deskute hamutuk, oinsa Timor-Leste nia partisipasaun ba eventu internasioanis nee, hodi nunee tetu fila fali konaba jogu olimpicos,” tenik Abrão, ba jornalista sira Iha SEJD Dili, Sesta, (19/02/2021).

Nia dehan nasaun Timor tama iha eventu nee laos prestasaun, maibe ba ho konvite, tamba agora nee nasaun Timor-Leste mos iha hela situasaun Covid-19 nia laran, ho nunee Timor-Leste partisipa Olimpico Games nee ka lae.

Governante nee salienta, agora Komite Olimpico Internasional mos seidauk iha informasaun los konaba vasinasaun, aimoruk saida mak atletas bele uza, no atletas ba Japaun nee sei tama karantina ou lae.

Entertantu Vice Prezidente CONTL, Mateus da Cruz hatete, enkontru nee iha asuntu rua, primeiru jogus olimpicos neebe sei halo iha Tokyo, Japaun, segundu mak Sea Games neebe sei halao iha Vietnam.

Enkuantu, Prezidente CDTL Afranio Xavier akresenta, objetivu ohin nee halo primeiro aprezentasaun ba Sekretaria Estadu kona-ba prepasaun eventu internasional neebe mak sei realiza iha 2021.*

Reportajen: Maria Tavares
Editor: Josefa Parada

LEAVE A REPLY

Please enter your comment!
Please enter your name here

NEWS UPDATE

Negosiante OB Manleuana Labele Okupa Estrada

DILI, STLNEWS.co - Koordenador merkadu Manleuana, Julio Caldas, husu ba negosiante obralan labele dada lona tama ba estrada publiku, tanba nee movimentu kareta no...

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...
%d bloggers like this: