SEJD – Embaixador Xina Diskute Kooperasaun Area Juventude No Desportu

DILI, STLNEWS.co – Sekretariu Estadu Juventude no Desportu (SEJD) ho Embaixador Xina iha Timor Leste, diskute konaba kooperasaun iha area juventude no desportu iha Timor Leste.

Tuir SEJD, Abrão Saldanha katak, enkontru ho Embaixador Xina nee koalia kona ba posibiliddae sira atu esplora iha area juventude no desportu.

“Sira mos apresia ita nia esforsu luta ba Covid-19, esplora mos oportunidade sira ba servisu iha area juventude no desportu, ida nee mak ami nia diskusaun, iha diskusaun Embaixador Xina mos informa tinan oin sira sei sai uma nain ba Winter Olympics Games no sira husu Timor Leste bele ba partisipa ka lae, ami mos informa ba tanba ita nasaun tropikais entaun ita iha atleta balu sei halo preparasaun iha neeba depende ba sira nia preparasaun, oinsa depois mak informa fali ba sira ita nia partisipasaun iha ka lae,” katak SEJD Abrão ba jornalista sira, iha salaun Magna SEJD, Dili, Kinta (29/07/2021).

Nia dehan diskute mos konaba posibilidade kooperasaun area infraestrutura, area formasaun rekursu umanus iha area desportu.

“Winter Olympic ita nia rai la iha ramu tanba ita nasaun tropikais, iha Winter Olympic tinan kotuk ita iha atleta ida naran Yohan maibe nia pratika barak liu iha Australia, Novazelandia, no Franca. Nia iha prestasaun diak iha Winter Olympic, agora ita hein nia bele pasa ka lae,” dehan nia.

Governante nee akresenta, diskusaun neebe halo ho Embaixador ida mak husu apoiu kona ba Xina nia, ajudasaun formasaun kona ba tekniku desportu nian.

Iha fatin hanesan, Embaixador Xina iha Timor Leste, Dr. Xiao Jianguo hatutan, razaun vizita sekretariu estadu tanba loron hirak liu ba SEJD simu vasina Sinovac, neebe hanoin katak fo ezemplu neebe diak ba povu Timor, liu liu mos ba foin sae sira bele vasina, hein katak parte rua husi Xina ho Timor Leste bele koopera diak liu tan hodi kombate Covid-19.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: