SEJD Halo Revizaun Ba Lei Artemarsiais

DILI, STLNEWS.co – Governu liu husi Sekretariu Estadu, Juventude, no Desportu (SEJD), hamutuk ho interministerial sira halo revizaun lei ezersisiu artemarsiais.

Tuir SEJD, Abrão Saldanha katak sorumutuk nee tuir orientasaun Primeiru Ministru nian despaxu numeru 20, neebe PM harii ekipa interministerial ida atu halo analiza no propoin nesesaria revizaun neebe presiza ba lei ezersisiu artemarsiais, tanba nee ohin halibur primeiru no agora iha atu loke diskusaun nee ho nivel interministerial sira neebe reprezenta iha nee atu ida idak fo nia perspetiva ba lei artemarsiais nee rasik.

“Ohin iha diskusaun nee iha aprezentasaun ida ba metodolgia oinsa mak halo konsultas, laos rona deit governu nia perspetivas, maibe rona artemarsiais sira komponente sira iha sosiedade nia komfisoens religiosa sira nia opiniaun, veteranus, inklui sira seluk nia opiniaun, atu halo konsultas ida nee liu liu artemarsiais rasik nia opiniaun no oinsa mak atu sira hakarak lei ida neebe ba sira, husi prosesu ida nee mak propoin revizoens nesesaria neebe mak tuir perspetiva hotu hotu nian.” tenik SEJD, Abrão Saldanha, ba jornalista sira iha salaun auditoriu Ministeriu Finansa, Aitarak Laran Dili, Kinta (10/06/2021).

Governante nee hatete, tarjetu husi konsulta sira nee mak aprezenta ba nesesidade revizaun no hein katak konsultas halo ona, munisipiu sira mos halo ona, agora dadauk ba pratikamente sira survey online, ida levantamentu online, ida neebe lao hela hein katak agora diskusaun ho entidades religiosas ho komponente sosiedades agora hein tan perspetivas husi instituisaun sira no organizasaun artemarsiais sira nian, husi nee konklui ona revizaun.

Nia informa, iha despaxu Primeiru Ministru la iha determinadu, maibe ninia dura bainhira aprezenta ona revizaun ba lei nee rasik, depois sei aprezenta ba Primeiru Ministru no hamutuk Primeiru Ministru lori ba Konsellu Ministru hodi foti opsaun sira neebe iha.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: