SEJD Husu PFTL Sai Joven Sensivel Ba Problema Sosial

DILI, STLNEWS.co – Sekretaria Estadu, Juventude, no Desportu (SEJD), husu membru parlamentu foinsae, atu aproveita didiak espasu neebe governu kria hodi sai joven neebe sensivel ba problema sosial, ekonomika, no kultural.

“Ohin loron mensajen ba sira atu aproveita didiak espasu neebe governu ho ajensia sira kria, atu sira empodera sira nia an sai joven neebe sensivel ba problema sosial, ekonomika no kultural iha sira nia rai, ida nee mak mensajen ba sira atu sira aproveita didiak formasaun ida nee, sai kuadrus diak ba ita nia rain, no futuru lideransa iha rai ida nee ninian, hodi bele simu estafeta ukun,” dehan SEJD, Abrão Saldanha ba jornalista sira, iha salaun Palasiu Nobre Lahane, Dili, Tersa (24/08/2021).

Governante nee akresenta, parlamentu foinsae nee foka ba formasaun saida deit mak halo ba sira, nee formasaun hotu hamutuk ho UNICEF prepara foinsae sira, apoiu mak hanesan mobiliza sira mai buka formador ba formasaun sira, agora dadaun hamutuk ho UNICEF dezenvolve hela kurikulum formasaun ba sira, ida nee mak sei halo ba parlamentu foin sae.

Iha fatin hanesan, Koordenador Parlamentu Foinsae Timor Leste (PFTL) ba periodu da 4, Andre Manuel Sarmento hatete, atividade nee nuudar plenaria dahuluk ba membru parlamentu foinsae nian periodu da haat. Objetivu husi atividade ida nee mak ami hotu mai atu diskute konaba problema sira neebe mak identifika iha nivel postu neebe reprezenta ba.

Nia dehan, husi plenaria nee mak atu haree hamutuk asuntu sira neebe mak identifika iha sira nia postu, ligasaun ho joven no edukasaun, joven ho moris saudavel, no liga mos asuntu violensia no krime, ikus liu mak partisipasaun siviku.

Plenaria nee rasik atu haklean deit katak, atu tau hamutuk problema sira neebe identifika ona iha baze atu haree i deskute, no ikus halo aprovasaun no lori ba linas ministeriais neebe kompetente atu tau atensaun liu – liu haree politika estadu nian iha orsamentu jeral do estadu. Programa prinsipal iha diskusaun nee mak oinsa ita atu solusiona foin sae sira nia problema.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: