SEJD Sei La Altera Subsidiu Ba Klubu Sira

DILI, STLNEWS.co – Relasiona ho klubu sira husu Sekretariu Edukasaun, Juventude, no Desportu (SEJD), Federasaun Futebol Timor Leste (FFTL), no Liga Futebol Timor Leste (LFTL) atu altera tan subsidiu, ho nunee SEJD, Abrão Saldanha hatete, sei la altera tan subsidiu ba klubu sira no mantein nafatin subsidiu neebe antes nee preve ona.

“Governu la altera ona subsidu ba klubu sira, agora tempu resesaun ekonomika osan mos la iha, neebe governu mantein deit subsidiu anterior,” tenik SEJD, Abrão Saldanha ba STL, iha salaun Palasiu Nobre Lahane, Dili, Tersa (24/08/2021).

Governante nee dehan, subsidiu iha mos hanesan bai – bain, nee montante fo sai ona, atu mantein deit ho ida nee sei la altera tan.

Antes nee, Prezidente Klubu Assalam FC, Hipolito Soares hatete, tuir proposta neebe sira hato’o primeiru pontu jogu apuramentu ba Segundu Divizaun tenke realiza, hodi nunee bele kompleta klubus 10 iha Primeiru Divizaun, tanba ida nee desizaun husi kongresu, ho ida nee mak muda naran LFA ba fali LFTL.

Segundu pontu, husu atu altera subsidiu ba klubus Primeiru Divizaun husi valor US$ 20,000.00 sae ba  US$ 40,000.00 no klubus Segundu Divizaun valor US$ 10,000.00 sae ba US$ 30,000.00. mais ida nee laos ezije, maibe hanesan proposta, tanba klubus hotu enfrenta defikuldade ekonomia, ho ida nee mak klubus sira husu ba parte SEJD, FFTL no LFTL atu bele hare asuntu refere, hodi nunee klubus sira bele garantia jogu to remata.

Hipolito hatutan, hanesan klubu, wainhira liga adia dunik ba tinan oin, nia impaktu ba klubus sempre iha, tanba nee sira hotu sei tur hamutuk para esforsu, mekanismu saida mak bele halo hodi nunee la bele hetan implikasaun.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: