SEKOMS Asina Akordu Ho Radio Komunidade 16

DILI, STLNEWS.co – Governu liu husi Sekretariu Estadu no Komunikasaun Sosiál (SEKOMS), asina akordu ho radio komunidade sanulu resin neen (16) iha Timor Leste, inklui radio ho difisiensia, hodi tuir formasaun nasional ba konsellu no jestor radio komunidade konaba dezentendimentu dijitalizasaun.

SEKOMS Mericio Juvinal dos Reis ‘Akara’ husu ba radio komunidade sira atu kontinua haraik an hodi aprende nafatin ho vontade hodi aumenta kapasidade hodi eleva rádio komúnidade ne’e ho di’ak no ba oin.

“Ita tenke iha vontade no kontinua aprende, liu-liu tuir workshop sira nee nafatin atu ita hasae tan ita nia konesimentu, esperiénsia hodi reforsa tan ita nia matenek sira neebe mak durante nee ita iha, hodi lori rádio komúnidade sira ba oin,” dehan SEKOMS, Mericio Juvinal bainhira asina akordu ho radio 16 iha Hotel JL Villa Fatuhada, Dili, Segunda (23/08/2021).

Governante nee hatutan, radio romunidade sira tenke utiliza an no adapta iha era dijital nee, tanba plataforma analog ba dijital nee hanesan oportunidade ida mos ba rádio komunidade sira atu aprende.

“Durante nee ita boot sira komesa aplika ona pratika balu hahu lao ona, liu – liu radio streaming, maibe koñesimentu plataforma dijital nee bele aumenta tan ita boot sira nia kapasidade ho di’ak liu tan,” tenik  nia.

Governu nafatin asegura ezistensia radio komunidade ho kondisaun limitasaun orsamentu neebe iha.

Tanba nee espera ba oin haree iha posibilidade orsamentu ba DNPDML-SEKOMS nee aumenta para bele hanoin oinsa fo apoiu makaas liu tan ba iha rádio komúnidade.

Nia realsa, maske radio komunidade nee tuir loloos sustenta husi komunidade rasik, maibe tanba governu haree kondisaun ekonomia ladun makaas, entaun governu kontinua fo subsidiu para ezistensia rádio komunidade ne’e bele kontinua la’o.

Iha fatin hanesan Diretor Diresaun Nasional Promosaun no Dezenvolvimentu Media Lokál SEKOMS (DNPDML-SEKOMS), José da Costa, afirma akordu nee laos foin primeira vez, nee dezde tinan 2015, governu atraves de SEKOMS kontinua apoiu radio komunidade estasaun 16  liu husi fundu transferensia publika nee iha tinan ida halo transferensia dala rua.

“Apoiu segundu faze nee kuaze millaun US$ 75 ba estasaun 16 inklui difisiente, maibe ita nia alokasaun orsamentu laos barak, maibe oituan – oituan kada radio bele hetan millaun US$ 4,5 ou 6 depende ba sira nia ezekusaun,” dehan nia.

Governu mos iha progama 5 neebe fo ba rádio komunidade sira, se sira la ezekuta programa ne’e, entaun osan halo redusaun no fo fali ba radio sira neebe iha nia kreatividade diak, se sira nia servisu diak entaun sira nia osan nee hasae.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: