SEKOMS Servisu Ho MI Kombate Hoax

SEKOMS, Mericio Juvinal dos Reis "Akara". (Foto: Espesial)

DILI, STLNEWS.co – Sekretariu Estadu ba Komunikasaun Sosial (SEKOMS), Mericio Juvinal dos Reis “Akara” hatete, sei servisu hamutuk ho Ministru Interior (MI), oinsa atu tau ideia hamutuk hodi kombate hoax.

“Enkontru nee hodi koordena servisu oinsa tau ideia no esforsu hamutuk hodi kombate hoax iha Timor Leste, tanba agora ema lansa informasaun hoax aumenta makas liu husi media sosial relasiona ho kazu COVID-19,” tenik Mericio Juvinal do Reis “Akara”, hafoin hasoru malu ho Vise Ministru Interior iha Villa Verde, Dili, Segunda (22/03/2021).

Nia realsa tan, alende ho MI sei koalia ho media sira hodi ajuda publiku oinsa prepara sidadaun sira atu uza plataforma online ho pozitivu, responsabilidade no sivilizadu.

Iha sorin seluk, Vise Ministru Interior, Antonio Armindo, fo apresiasaun ba SEKOMS neebe esforsu makas hodi servisu ho entidades tomak ba kombate HOAX.

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here