SEKoop Fo Formasaun Inspesaun No Auditoria Ba Funsionariu Tekniku

DILI, STLNEWS.co – Sekretariu Estadu Kooperativa (SEKoop) fo formasaun ba funsionariu tekniku nain 15 iha area inspesaun no auditoria.

Tuir Sekretariu Estadu Kooperativa Elizario Fereira katak, formasaun neebe maka organiza husi inspesaun auditoria sekretariu estadu koperativa nian.

“Objetivu atu eleva kapasidade funsionariu nian relasaun ho inspesaun auditoria, atu nunee bele akompana monitoriza supreviziona internalmente funsionariu sira nia servisu iha ezekutivu SEKoop nian,” dehan Elizario ba jornalista, iha Edifisiu Fokupers, Farol, Dili, Kinta, (27/05/2021).

Nia dehan, husi formasaun nee bele akompana mos dezenvolvimentu no movimentu kooperativa nian neebe maka dadaun nee eziste iha Timor, tanba agora dadaun iha ona 167 kooperativa maka funsiona hanesan instituisaun, tanba nee presiza instituisaun ida neebe forte no iha kapasidade no konesementu neebe diak , atu bele akompana diak liu tan prosesu dezenvolvimentu koperativa nian.

“Atu nunee kooperativa bele asegura ninia instituisionalizasaun nia sustentabilidade ho ninia estabilidade finanseira no ekonomika iha vida koperativa nian hodi servi didiak nia membru sira no mos ba populasaun sira hodi kontribui ba dezenvolvimentu estadu nian, ida nee maka prinsipal liu iha formasaun nee,” nia sublina

Nia haktuir, formasaun nee nia area maka atu hare konaba aspetu lelizlasaun, kontabilidade, jestaun, operasionalizasaun no ikus liu maka aspetu organizasaun, oinsa maka atu funsiona organizasaun ida diak, tanba nee maka parte importante hanesan materia ba formasaun nee, atu bele asegura dezenvolvimentu instituisaun koperativa nian no mos koperativa hanesan movimentu.

“Formasaun ida nee ba dala haat ona, nunee formasaun nee hanesan formasaun espesialidade, tanba nee hatene ona saida maka atu halo, relatoriu nee halo oinsa, koperativa nia relatoriu nee frakeza nee iha neebe, no nia progresu nee iha neebe, ida nee maka sira atu buka deskobre atu bele hare konaba ida nee, tanba formasaun nee tekniku nian,” tenik nia.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: