Selebra 13 de Maio, Ilhas Nain Feto Fatima Vizita Nia Oan Sira

DILI, STLNEWS.co – Selebra loron Nain Feto hatudu an ba bibi atan nain tolu, iha Cova da Iria, Fatima, Portugal, neebe monu iha Loron 13 de Maio, mak Diocese Dili lori ilhas Nain Feto Fatima no Santissimo ba vizita sarani sira iha Dili, sira neebe mak iha izolamentu, liu-liu tempu susar ida nee.

“Ita Nain Feto sai ba vizita nia oan sira, iha tempu susar nia laran, lori Nain Feto sai hodi ba vizita, fo ksolok, korajen liu-liu ita Timor oan sira partikularmente hela iha sidade Dili, oras nee dadaun maluk barak hela iha izolamentu, iha konfinamentu nomos movimentu barak neebe labele halo, maibe ho Nain Feto nia prezensa, nuudar inan ida konsola, inan ida korajen, inan ida atu fo forsa nafatin ba ita, hodi reziste no pasiensia liu tan,” hatete Arcebispu Metropolitana Arquidiocese Dili, Dom Virgilio do Carmo da Silva, SDB ba jornalista sira iha Katedral Dili, Kinta (13/5/2021).

Arcebispu Metropolitana Arquidiocese Dili, Dom Virgilio do Carmo da Silva, SDB. (Foto: STL/Donaciano Magalhães)

Tuir observasaun STL iha terrenu, Ilhas Nain Feto Fatima ho Santissimo sai husi Igreja Katedral Dili, ba vizita fatin izolamentu sira hanesan Vera Cruz, Hotel Colmera, Balide, Metiaut, Cluz Clarita, Centru SIJK, Motael, Fatuhada, Tasi-Tolu, no izolamentu seluk neebe iha Dili.

Maske sarani sira la partisipa, maibe ilhas Nain Feto liu ho kareta sarani sira hakmatek ho devosaun akompania Nain Feto, sarani balun hakneak kari aifunan ba nain feto, tau lilin, labarik sira mos taka liman reza, sarani sira sente ksolok ho vizita Nain Feto nia maske sira iha dalan deit, maibe hatudu devosaun ba Nain Feto.

Partisipa vizita Nain Feto ba haleu iha Dili laran mak Arcebispu Metropolitana Dom Virgilio do Carmo da Silva SDB, Padre Paulos Ximenes, eskoteru, Polisia Nasional Timor-Leste (PNTL), Batalhao Ordem Publiku (BOP), maske loron manas maibe idak-idak ho devosaun akompania Nain Feto no Santissimo.*

Reportajen: Joaninha Belo
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: