Selebra Festa Corpo De Deus, Arkedioseze Dili Realiza Prosesaun


DILI, STLNEWS.co – Ohin sarani katolika iha mundu inklui Timor-Leste selebra festa Corpo de Deus, Arkedioseze Dili realiza prosesaun husi Igreja Imaculada da Conceicao Balide too mai iha Monumentu Nain Feto Lesidere, sarani sira hahi Maromak Oan halo aan ba mane husi isin no raan.

Lia fuan murak nee hatoo husi Dom Virgilio Cardeal do Carmo da Silva, SDB ba jornalista sira, bainhira partisipa iha prosesaun iha Lesidere, Kinta nee (08/06/2023).

Prosesaun nee halao tuku 03.00 lokraik, partisipa husi Dom Virgilio Cardeal do Carmo da Silva, reprezentante Santa SE iha Timor-Leste Monsenor Marco Sprizzi, relijiozu no relijioza, THS THM, Akolitus, Tersiares, Seminarista, Grupu Kategorias, estudante no sarani sira, prosesaun foin realiza maibe kada tinan sempre halao prosesaun.

Dom Virgilio hatete, ohin loron feriadu nasional, governu fo biban nee mai sarani hotu-hotu hodi ezerse nia liberdade iha loron nee, atu hahi Maromak Oan halo aan ba mane liu husi isin no raan, nee mak bele komunika mai ita, ho ida nee Maromak lori ita ba Nia.

“Tanba nee, festa Corpo de Deus ita hotu agradese ba Maromak, tanba Maromak nia domin boot ba umanidade hodi halo aan nia sai kiik, moris iha natureza ema nian, koalia hodi han no uza liafuan ema nian, atu bele komprende Maromak nia misteriu sira,” hatete Dom Virgilio.

Dom Virgilio hatete, komprende Maromak nia misteriu sira, Maromak halo nia aan sai isin, bele kaer no haree, nee mak halo ita sai Maromak, tanba hodi fo ita ho nia futar isin no nia raan.

Tanba nee, festa Corpo de Deus importante ba ema hotu, ohin adora Corpo de Deus hodi halo prosesaun reza ba rai doben Timor-Leste, ba Dioseze no bensaun solene.

Dom Virgilio Sublina, festa Corpo de Deus selebra boot liu, tanba misteriu ida bolu dehan Maromak neebe halo aan sai ema isin ida, tanba Maromak neebe aas halo sai isin ida konkretu ba ema, tanba liu husi isin nee nia uza duni trigu no paun sakrifisiu tanba ema, sai ai haan espiritual, laos fo moris deit buat neebe isin nian, maibe fo moris ba espiritu nian, isin no klamar, maibe dala ruma haluha tiha ai haan espiritual, ai haan moral, ai haan neebe forsa ba ema, hodi hatene hakmatek, hatene pasiensia, haraik aan ba malu no hatene perdua, ida nee Maromak halo aan ba mane tun ba ema liu husi isin nee.

(joa)

LEAVE A REPLY

Please enter your comment!
Please enter your name here