Selebra Lian Portugues, PR: Timor Oan 30,8% Koalia Portugues

DILI, STLNEWS.co – Prezidente Republika Francisco (PR), Francisco Guterres Lú Olo hatete, selebra lian ida neebe kesi hamutuk povu sira neebe mak hola parte iha komunidade koalia lian portugues ka CPLP, hamutuk ema millaun 280 resin. No Timor oan 30,8% mak koalia lian portugues.

Prezidente Republika Francisco Guterres liu husi mensajen ba selebrasaun lian Portugues liu husi Komunikadu Kinta nee (05/05/2022) hatete, nudar povu Timor Leste iha razaun oin-oin atu selebra loron 5 fulan Maiu iha tinan 1999, iha Nova Yorke, Portugal no Indonezia asina akordu ida iha ONU nia okos hodi implementa referendu neebe fo dalan ba povu Timor Leste, atu afirma dala ida tan liu husi votu, ninia hakarak atu sai livre no independente.

PR hatete, durante tinan barak ona, CPLP selebra loron 5 Maiu nudar loron ian-Portugues no Kultura. Iha tinan 2019 deit mak UNESCO deside loron 5 Maiu sai hanesan Loron Mundial ba Lia-Portuguess. Ida-nee hatudu momos katak lia-portugues hetan rekonesimentu nuudar lian global, ho kapasidade atu dada no hamosu realidade foun hirak relasiona ho siensia no teknolojia moderna.

“Haree ba ita nia istoria rasik no ita nia pasadu neebe dook tebes, Asembleia Konstituinte foti desizaun atu hatuur lian portugues nudar lian ofisial republika nian. Haktuir ita nia Konstituisaun, ita nia republika deklara ninia aan nudar nasaun dalen ruak ida, ho lian ofisial rua: lia tetun neebe ema barak liu koalia (90% resin) no lian portugés, maski ema oitoan deit mak koalia kontinua buras ba beibeik,” dehan PR Lu Olo.

Xefi Estadu hatutan, ho globalizasaun neebe mak Timor Leste hasoru tenki haree ba lian portugues nudar vantajen ida ba jerasaun, daudaun nee no jerasaun aban bainrua nian. Nunee iha dever atu promove no prezerva dalen ida nee nudar dalan diak ida atu kaer metin nafatin povu nia identidade kultural, no mos nudar lian barani ida neebe halao nafatin ninia knaar hodi marka diferensa iha Azia no iha mundu tomak.

Aman nasaun nee hatutan, loron ida nee tenki sai nudar loron reflesaun, liu-liu ba ukun nain sira atu hanoin klean saida mak halo ona no saida mak presiza halo. Husi sorin ida, presiza haree oinsa tutan hamutuk tetun ho portugues, hodi hatuur lian rua nee nudar instrumentu espresaun husi povu no ninia identidade.

(eme)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...