Selebra Loron Divina Misericordia, HNGV Prepara Nasi Kotak Rihun 7

DILI, STLNEWS.co – HNGV selebra misa segundu Domingu Paskoa neebe hanesan loron Divina Misericordia, iha Kapela Hospital Nasional Guidu Valadares (HNGV), aumesmu tempu mediku sira mos prepara hahan hanesan nasi kotak rihun 7 (7.000), hodi fahe ba komunidade hirak neebe presiza.

Tuir Pe. Evaristo da Costa Soares hatete, atu hatete ba publiku, katak loron ohin Timor festa boot ida hodi Loron Divina Misericordia.

“Loron ida ohin ita selebra ho devotu Divina Misericordia sira, tanba haree ho situasaun serka sanitaria ho situasaun ohin loron nian, ami selebra ho fahe Domin ba maluk sira hotu neebe devotus sira hotu prepara ho nasi kotak kuaze rihun 7 resin, ida nee prepara iha ida idak nia uma hodi lori mai konsenta hamutuk iha kapela HNGV hodi lori ba fahe ba maluk sira,” dehan Pe. Evaristo da Costa Soares ba jornalista iha kapela HNGV, Bidau, Dili, Domingu, (11/04/2021).

Nai lulik nee esplika, iha tinan 2000 neebe São Paulo II, iha Segundu Domingu da paskoa nia kanoniza Santa Faustina no mos institui loron segundu Domingu Paskoa nee nudar Domingo da Misericordia ida nee bazeia ba esperiensia mistika Santa Faustina ninian ho Jesus neebe revela ninia aan ba Santa Faustina iha dia 22 de Fevereiru 1931 iha Polandia Floc neebe nia husu ba Santa Faustina hakarak atu selebra Domingo misericordia neebe nia deside iha Segundu Domingu paskoa.

“Tanba nee, ami atu selebra festa boot ida ohin nee halo nia preparasaun ho novena, tanba novena nee Jesus rasik mak husu, neebe hahu husi Sesta Feira Santa primeira dia, no depois to iha loron sabadu horiseik finalize, no orasaun hotu neebe reza husi primeira dia to nunu dia nee, Jesus rasik mak indika, atu ema hotu reza no reza ba mundu tomak, no ohin ita selebra tanba nia hatete ba Santa Faustina katak, loron ida ohin maka loron ida neebe nakonu ho grasa, maromak prepara hela grasa neebe maka sulin husi lalehan hanesan mota boot, importante mak ita prontu no prepara ita nia aan ba iha we matan ba Misericordia nee ou lae,” katak nai lulik nee.

Pe. Evaristo haktuir, iha loron ida ohin mos ema neebe prepara loron indoljesia plenaria, katak ita nia salan todan sira nee hotu, wainhira ita halo konfisaun neebe diak iha loron ida ohin, ita tuir misa no simu komuniaun no ita reza ba santu padre nia intensaun ida nee ita hetan indoljesia plenaria.

“Jesus husu atu iha loron ida ohin segundu Domingu iha Paskoa nee ninia imajen neebe maka liu husi Santa Faustina atu pinta nee, hetan bensaun solenemente iha loron ida ohin,” tenik nia.

Tanba nee, loron ida ohin selebra ho devotu Divina Misericordia sira, tanba hare ho situasaun serka sanitaria ho situasaun ohin loron nian, ita selebra ho fahe domin ba maluk sira hotu neebe devotus sira hotu prepara ho nasi kotak kuaze rihu 7 resin, ida nee prepara iha ida idak nia uma hodi lori mai konsenta hamutuk iha Kapela HNGV hodi lori ba fahe ba maluk sira.

“Ami mos hetan tulun husi doadores barak, husi devotus barak neebe laran luak ida-idak fo nia tulun, hodi ajuda ba maluk sira neebe oras nee dadaun presiza tulun, lao iha dalan ninin hodi fahe ba ema sira, atu hatudu katak loron ohin nee loron festa Divina Misericordia,” dehan nia.

Padre nee hatete, husi meius hirak nee mos sira hakarak haklaken ba ema hotu, tanba Divina Misericordia nee laos deit ba grupu ida eskluzivu no mos laos fahe deit ba Katoliku maibe Jesus nia hakarak atu iha Divina Misericordia nee ba ema hotu.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...
%d bloggers like this: