Selebra Natal Iha Pandemia Covid-19

Tinan ida nee sarani Katoliku Timor Leste, selebra loron natal iha situasaun Covid-19 nian laran, tanba surtu Covid-19 nee seidauk lakon iha mundu. (Foto: STL/Donaciano Magalhâes)

DILI, STLNEWS.co – Tinan ida nee sarani Katoliku Timor Leste, selebra loron natal iha situasaun Covid-19 nian laran, tanba surtu Covid-19 nee seidauk lakon iha mundu.

“Tinan ida nee ita selebra loron natal iha situasaun pandemia Covid-19, neebe alarga iha mundu tomak, pandemia Covid nee halo ema barak latuir misa, ema barak lakon sira nia vida, laba servisu tanba disturba husi Covid-19 nian,” lia hirak nee hatoo husi amo Parokia Nosa Senhora da Graca Metinaro, Pe. Deonizio Bere liu husi omilia, Metinaro, Sesta (25/12/2020).

Nia dehan tan, situasaun ida nee ho prezensa pandemia Covid-19 lori tristeza hodi halo ema barak lakon esperansa, maibe natal fo hanoin ba ita katak maromak horik nafatin ho ita.

“Mesmu natal ita hasoru dezafiu barak iha ita nia moris umanidade nian, maibe maromak hatudu katak maromak nafatin ho ita, atu ita lalika lakon esperansa. Maibe ita tenki tau nafatin fiar no esperansa ba nain maromak,” hakotu nia.

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here