Semana Oin Mahoka Entrega Postu 6

DILI, STLNEWS.co – Komandante Polisia Seksaun Tranzitu Munisipiu Dili, inspetór Xefe Domingos da Gama hatete, kompania Rudal ho naran konesidu Mauhoka, semana oin entrega ona postu tranzitu hamutuk neen (6) ba Polisia Tranzitu Munisipiu Dili.

Nia dehan, Postu Polisia Tranzitu ne’e uluk konstrui husi Sekretariu Estadu Formasaun Profissional Empregu (SEFOPE), iha Ilidio Ximenes nia tempu, maibe agora kondisaun hahu aat ona, tanba ne’e Mahoka ho voluntariumente halo rehabilita ba postu tranzitu hamutuk neen (6) iha kapital Dili.

Tanba nee, Mahoka oferese material konstrusaun, badaen hodi rehablita postu tranzitu neen (6), hanesan iha Bairru Pite rua, iha Prokurador Jeral nia oin ida, Hotel Timor, merkadu lama, inklui iha terminal  Becora ida.

“Hahu konstrusaun to’o ohin hau hetan kontaktu husi diretor kompania Mauhoka katak, konstrusaun ne’e atinje ona 95%, signifika hela 5% atu kompleta 100%, tanba ne’e fulan oin Outubru tinan 2021, planu atu entrega ba komando PNTL, liu – liu Komando Munisipiu Dili iha tránzitu Dili,” dehan Domingos ba jornalista sira iha Knaar fatin Kaikoli, Dili, Tersa nee (28/09/2021).

Nia dehan, maske kompania uza rasik mak halo finansia halo konstrusaun, maibe kualidade diak, tanba halo modelu tuir Polisia Tranzitu.

“Hau hanoin konstrusaun ida ne’e diak, maske kompania ne’e uza nia osan rasik, maibe kualidade ba konstrusaun ne’e ita haree kapas, tanba sira pinta halo tuir modelu tránzitu nian kapas tebes,” dehan nia.

Nia hatete, durante ne’e Polisia Tranzitu Dili, iha postu permanente hamutuk 10, tuir lolos estandar estrutura internasional ne’e, kada postu tranzitu ida pelumenus ida, minimu nain hitu, maibe relaidade iha kapital Dili koloka deit nain haat.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...