DILI, STLNEWS.co – Semana oin deputadu sira iha Parlamentu Nasional (PN) hahu debate ona proposta orsamentu retifikativu, no ajenda se debate iha loron 4.
Tuir Prezidente Parlamentu Nasional (PPN), Aniceto Guterres katak, konaba proposta orsamentu retifikativu, agora daudaun haree iha sala plenaria, deputadu sira halao hela audensia publiku ho governante sira, nunee audensia hotu sei kontinua ba debate iha jenralidade no espsialidade.
“Tuir planu semana oin ami hahu ona debate iha jeneralidade ba loron ida, depois loron 3 tuir kedas ami hau debate iha espesialidade, ami hein katak iha debate espesialidade semana oin nee ami bele aprova ona iha final global,” informa PPN, Aniceto Kuarta nee (04/05/2022) iha Parlamentu Nasional.
Tuir observasaun jornlaista haree katak, oras nee daudaun deputadu sira iha parlamentu hahu audensia hela ho membru governu sira kada loron konaba proposta orsamentu retifikativu.
Entretantu, proposta orsamentu retifikativu ho montante billaun US$ 1,1 neebe governu submete ba iha parlamentu iha loron 27 fulan Abril tinan 2022, ho pedidaiu karater urjensia.
(gui)
