Semana Oin PN Sei Halao Eleisaun Ba Membru CI

Reprezentante povu iha uma fukun Parlamentu Nasional (PN), husu ba governu liu-liu Ministeriu Agrikultura no Peska, atu hadia lalais irigasaun Buloto neebe lokaliza iha Munispiu Manatuto, tanba irigasaun nee aat. (Foto: Dokumentasaun STL)

DILI, STLNEWS.co – Membru Parlamentu Nasional (PN) sei halao eleisaun ba membru Conselho Imprensa (CI), tanba nee meza PN husu bankada sira prepara lista kandidatura.

Informa Sekretaria Meza PN atual Porta-vos PN, Deputada Lidia Norberta liu husi konferensia imprensa, neebe halao iha sala konferensia PN, Dili, Sesta (08/01/2021).

“Liu husi reuniaun bankada hotu-hotu konkorda atu realiza plenaria iha segunda-feira dia 11 Janeiru 2021 ho ajenda eleisaun ba membru CI, tanba ajenda nee kleur demais ona, ho nunee meza PN husu bankada sira atu prepara lista kandidatura”, informa deputada Lidia.

Nia dehan, tuir lei komunikasaun sosial artigu 45 PN sei hili ema nain rua ba membru CI husi ema sira nee obrigatoriamente ida tenke jurista.*

Reportajen: Guilhermina Franco/Domingas Soares
Editora: Carme Ximenes

LEAVE A REPLY

Please enter your comment!
Please enter your name here