Seminarista Balide Agradese Xanana & Timor Oan iha Estranjeiru

DILI, STLNEWS.co – Seminarista sira husi Eskola Seminariu Nossa Senhora Fatima (SENOFA) Balide, Dili, agradese ba domin boot husi Lider Istóriku Kay Rala Xanana Gusmão no Timor oan sira iha estranjeiru neebe kontinua oferese aihan baziku ba sira hodi bele konsumu.

Liu husi karta komunikadu neebe STL simu Segunda (17/05/2021) haktuir, tuir perfeitu estudu seminariu Nossa Senhora Fatima, Padre Adérito Sequeira, agradese ba Xanana Gusmão neebe dezde uluk too agora kontinua karii nia domin ba povu kbiit laek, vitima inundasaun no padre no madre bainhira hasoru periodu perigu hanesan dezastre naturál, inundasaun no problema COVID-19 neebe akontese iha Timor-Leste.

“Lori ekipa tomak seminarista sira, hakarak hatoo ami nia agradesimentu ba tulun neebe fo mai uma formasaun ida nee, tanba seminarista sira labele fila. Nunee apoiu fasilita parte konsumu nian. Ami la iha buat ida, maibe konta nafatin apoiu ami nian ho orasaun sira nunee Nai Maromak fo isin diak nafatin ba maun boot Xanana no Timor oan sira hotu iha rai liur,” dehan Padre Adérito liu husi ninia deskursu iha Semináriu Balide, Sesta (14/05).

Tuir Sekretariu Apoiu Maun Boot Kay Rala Xanana Gusmão, Tomas do Rosario Cabral, hatete, apoiu nee oferese husi Xanana no Timoroan husi Inglaterra, sidade Peterborough no Thrapston nee ho valor kiik no importante liu maka bele ajuda ema hotu atu konsumu aihan ho diak.

“Apoiu nee oferese husi maun boot Xanana no ita nia Timor oan sira iha Inglaterra, sidade Peterborough no Thrapston hodi tulun ita nia komunidade sira neebe sai vitima ba inundasaun neebe akontese iha Timor-Leste no apoiu mos madre no padre sira,” dehan Tomas.

Asaun neebe Maun Boot Xanana no Timoroan sira halo nuudar jestu domin hodi tulun povu sira neebe moris susar, iha susar nia laran.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: