DILI, STLNEWS.co – Sentru Pastoral São Miguel Arkanjo Surik Mas, Dili, iha loron Sesta Feira Santa (15/04/2022) realiza via sakra moris hodi hanoin hikas Misteriu Paixão Nai Jesus Kristu nian, neebe lori Kruz Santa hodi selu ema hotu nia sala.
Via sakra moris nee hahu iha tuku 07:00 OTL ho rute Osindo 1 no remata iha Kapela Surik Mas. Via Sakra moris neebe Sarani Katolika Estasaun São Miguel Arkanjo halo hodi hanoin Nai Jesus Kristu Nia ain fatin hotu neebe Nia halo hodi terus tanba ema hotu nia sala, hahu husi Pretoriu Pilatus tesi lia ba Jesus atu mate to’o hakoi Nia iha Kalvariu.
Via Sakra moris neebe prezidi husi Amu Adriano Ola hahu husi estasaun primeiru, Pilatus tesi lia ba Jesus atu mate to’o estasaun XIV, Maria Santissima ho ema diak balu hakoi Jesus Nia Futar Isin. Sarani Katolika rihun ba rihun mak partisipa iha prosesaun Via Sakra moris nee.
Iha Via Sakra moris nee, Rosito da Silva Keysiri mak sai nudar Jesus no Rosa Soares nudar Maria Santissima (Jesus nia inan) i Silverio Tilman sai nudar Pilatus.
Kontinua ba pajina 2
