SEPS Fahe Informasaun Prevene La Nina

DILI, STLNEWS.co – Sekretariu Estadu Protesaun Sivil ho nia ekipa haleu Dili laran  hodi fahe informasaun ba komunidade sira, hodi halo prevensaun La Nina neebe tuir Diresaun Nasional Metereologia Timor-Leste fo sai ona katak, sei iha posibilidade atu akontese tan fenomena La Nina husi fulan Outubru tinan 2021 to’o tinan oin.

Liu husi konferensia imprensa Sekretariu Estadu Potesaun Sivil, Joaquim Jose  Gusmao hatete, Timor Leste nuudar nasaun ida neebe lokaliza iha rejiaun Asia Pasifiku, neebe sei lases mos husi perigu dezastre naturais.

“Dadaun nee organizasaun mundial Servisu Metereologia Australia, Indonezia no akompana mos husi Diresaun Nasional Metereologia TL fo Sai ona katak, sei iha posibilidade atu akontese tan fenomena La Nina husi fulan Outobru tinan 2021 to’o tinan oin,” dehan nia ba jornalista iha edifisiu SEPS, Caikoli, Dili, Sabadu nee (02/10/2021).

Nia dehan, ida nee signifika katak, TL iha posibilidade atu simu udan been no ho intensidade aas liu ou normal, hodi hamosu risku ba inundasaun erozaun no rai halai iha territoriu nasional durante periode neebe mak mensiona ona iha leten.

“Ita iha ona esperiensia ho akontesimentu hirak nee, mak antes nee akontese ona, nunee  governu liu husi SEPS kontinua alerta ba populasaun tomak iha territoriu  nasional TL, atu toma atensaun no prepara an hodi hasoru fenomena klimatika La Nina ida nee,” dehan nia.

Nia realsa, agora dadaun tenke halo prevensaun no metigasaun antes dezastre akontese, husu komunidade akompana nafatin informasaun aktual neebe sei fo sai liu husi SEPS  iha nivel nasional no munisipiu, akompana mensajen liu husi televisaun, radio, telemovel no jornal sira neebe mak kredivel.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...