SEPS Halo Abertura Ba Formasaun Treinador DNPKK Nain 12

DILI, STLNEWS.co – Sekretariu Estadu Protesaun Sivil (SEPS), halao abertura ba formasaun treinador hamutuk nain sanulu resin rua (12), husi Diresaun Nasional Prevensaun Konflitu no Komunitaria (DNPKK), konaba prevensaun no rezolusaun konflitu sensivel ba jeneru.

Tuir SEPS Joaquim dos Reis Martins Gusmao hatete, ohin SEPS liu husi Diresaun Nasional Prevensaun Konflitu Komunitaria, neebe mak hetan apoiu husi UN Women, halao tan formasaun ba iha mediadores sira neebe mak hili, no iha kapasidade diak hodi hetan tan fali traning off traning.

“Ho ida nee, ita sei sertifika sira hanesan formador, sira neebe mak liu ona promasaun DNPKK, bele fo fila fali promosaun ba iha mediador sira seluk, fahe informasaun ba mediador sira neebe ba rezolve konflitu iha komunidade,” tenik SEPS Joaquim dos Reis Martins Gusmao iha Delta Nova, Kuarta nee (22/09/2021).

Mediador sira aprende materia lubuk ida, komprensaun konflitu nian, analiza konflitu, diskusaun no fahe esperiénsia sira espessifiku liu, no bele kapasita sira nia an, bele fo konfiansa sertifikadu ba sira.

Iha fatin hanesan, Analista Programa Feto Paz no Seguransa UN Women Leonesia Tecla Da Silva hatete, formasaun nee ba loron 3 nian, ba sira neebe mak eskolla ba tuir formasaun loron 3, iha 12 pesoas, laos husi Dili deit, maibe husi mos 13 munisipiu, so Manatuto ho Oecusse mak la hola parte, sira nain hira nee eskolla bazeia ba sira nia kapasidade no esperiensia.

“Formasaun ida nee, hakarak atu aumenta tan sira nia kapasidade, liu – liu ba iha mediasaun sensivel ba jeneru, neebe ita hanoin hela katak, hakarak atu envolve ema hotu,” tenik nia.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...