SEPS Realiza Formasaun Ba Funsionariu Foun Nain 60

DILI, STLNEWS.co – Sekretariu Estadu Protesaun sivil (SEPS) realiza formasaun durante fulan ida ba funsionariu foun nain 60.

Tuir Diretor Jeral Sekretariu Estadu Protesaun sivil, Superintendente Asistente Polisia Ismaiel Babo hatete, protesaun sivil iha oportunidade  hetan tan fali funsionariu nain 60 neebe maka planeia iha orsamentu tinan 2019, tuir lolos realiza iha tinan 2019, maibe tanba iha birokrasia neebe maka dokumentus balun sei presiza kompleta, tanba nee ita sei tarde oitaun.

“Ohin ita konsege realiza ho politika Sekretariu Estadu nian para atu Kompleta nia programa ba kapasitasaun rekursu umanu no Kompleta numeru pesoal Bombeirus, no ami laos realiza deit iha area Bombeirus, maibe realiza mos iha diresaun haat neebe maka supervizaun iha Sekretariu Estadu Protesaun sivil,” dehan nia ba jornalista iha edifisiu SEPS, Caicoli, Dili, Sesta nee (14/01/2022).

Diretor SEPS nee esplika, rekrutamentu ba funsionariu nain 60 nee iha diresaun seguransa patrimoniu publiku, rekrutamentu ba ajente administrasaun, aleinde nee halo mos rekrutamentu ba mediador sira husi prevensaun konflitus komunitaria nomos halo rekrutamentu ba Bombeirus sira.

“Bombeirus nain 60 neebe maka sira hetan ona formasaun fulan ida ho tempu neebe maka badak, tuir lolos nee sira tenke hetan formasaun nee fulan 9 iha baziku no sira tenke estajiu,” deklara nia.

Nia hatutan, maibe tanba orsamentu kapital umanu neebe maka sira la konsege ezekuta, tanba ho tempu rekrutamentu neebe maka tarde ho nia prosesu tomak, nunee maka sira realiza formasaun ba funsionariu nain 60 nee ho durasaun fulan ida.

“Formasaun nee ita hetan apoiu husi Care internasional nia finansia ho mos institutu HIV/SIDA, nomos parseiru dezenvolvimentu sira seluk,” dehan nia.

Nia realsa, formasaun fulan ida nee hotu funsionariu sira sei ba halao estajiu kada munisipiu neebe maka sira sei ba, no iha tempu tuir mai SEPS iha planu nafatin atu kapasita funsionariu hirak nee liu husi formasaun, tanba tinan ida nee SEPS hetan ona fundu rekursu umanu.

Durante formasaun nee kapasita funsionariu hirak nee husi materia baziku, liu – liu konesimentu konaba instituisaun protesaun sivil nian.

(san)

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...