SEPS Rezistu Vitima Halakon

Durante fulan Janeiru tinan nee SEPS rezistu vitima sira neebe lakon vida ka mota lori iha nain rua. (Foto: Desastres Naturais Timor Leste)

DILI, STLNEWS.co – Durante fulan Janeiru tinan nee SEPS rezistu vitima sira neebe lakon vida ka mota lori iha nain rua.

Diretor Nasional Jestaun Desastres Naturais, Agustinho Cosme Belo hatete, tuir dadus neebe sira iha, munisipiu hamutuk ho Dili laran 80 hanesan nee ba rai monu, liuliu ba familia afetadus iha periodu anterior mai to agora nee.

“Inklui ema nain rua mate, ida labarik feto ho tinan 10 iha postu admnistrativu Dilor Lakluta, Munisipiu Viqueque, ida fali mota lori avo feto ida ho idade 60 i tall iha Marobo Bobonaro,” dehan nia ba jornalista sira, iha salaun Ministeriu Interior, Villa Verde Dili (13/01/2021).

Nia hatete, iha parte seluk mota Bebui Warulari mos tun boot makas hodi lori kareta Track ida, foin lalais akontese iha loron 5 fulan Janieru

“Vitima nain neebe mak lakon vida husi inundasaun nee, akontese dadaun nee iha fulan Janeiru nia laran nomos tinan 2021 nee nia laran,” dehan nia.

Nia hatutan, akontesimentu nee nain ida iha loron 05 fulan Janeiru no liu loron rua tama ba loron 07 fulan Janeiru tinan ida nee nian.

Tuir dadus neebe maka durante nee sira simu husi munisipiu, ba vitima neebe afeta ba inundasaun, rai monu, ahi han uma, kuaze munisipiu 12 inklui RAEOA no makas liu maka iha munisipiu Dili.

“Ita hotu akompna kompara ho tinan kotuk, iha munisipiu Covalima iha suku Beko afeta makas tebes iha neeba,” hakotu Belo.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here