DILI, STLNEWS.co – Governu liu husi Serkartariu Estadu Protesaun Sivil (SEPS) tinan ida nee sei fo pose ba membru bombeirus hamutuk nain 96 iha munisipiu 3.
Kestaun nee hatoo husi Sekertariu Estadu Protesaun Sivil (SEPS), Joaquim Jose Gusmao dos Reis Martins ba jornslista sira iha salaun City 8 Manleuana, Dili, Tersa nee (28/03/2023).
“Tinan nee ita kompleta ona rekrutamentu no fo tomada de pose ba membru nain 96. Ida nee ba iha munisipiu 3 neebe mak durante nee laiha bombeirus, iha Munisipiu Manatuto, Ermera, Likisa, tanba kompleta ona sira ninia rekrutamentu,” nia hatete.
Nia esplika, iha loron 4 Abril sei realiza tomada de pose ba sira, nomos sira mos bele komesa ona sira nina servisu.
“Maibe antes nee sira halao sira nia servisu, sira iha formasaun baziku ida ba sira, konaba disiplina servis no servisu ekipa, neebe ita ninia sentru formasaun sei organiza ita halao formasaun ba sira,” nia esplika.
Nia informa, ekipamentu sira komesa perepara ona, no tinan kotuk konsege iha ho Orsamentu Jeral Estadu (OJE) uza hodi fo viaturas ba iha munisipiu 9.
Nia hatutan, tinan ida nee mos govenru sei kompleta viaturas ba munisipiu sira neebe mak iha ona ba diresaun nasional sira, nomos ba apoiu servisu operasaun sira neebe mak iha nasional.
Iha fatin ketak, Xefi Suku Eurico da Costa de Jesus informa, Autoridade Protesaun Civil (APC) sempre akompanha vitima sira, tanba iha tinan 2021 neebe akontese dezastre boot iha 4 Abril sira sempre prontu apoiu ba vitima sira.
“Sira nia atendimentu ba vitima dezastre naturais sira diak tebes, maibe tenki rektruta tan membru sira atu atende ba iha bombeirus nian nee, tanba dala barak akontese ahi han uma bomberius la too lalais,” nia esplika.
Tuir informasaun neebe STL asesu iha terenu, APC harii tan ninia sistema no servisu sira iha munisipiu, pereparadu ona, tanba nee iha tinan kotuk viaturas foun 7, no tinan ida nee hetan tan apoiu husi Govenru Japaun viatura rua no ekipametus seluk tan, depois iha prosesu atu kompleta fornesimentu ba iha 27 viaturas espesiais ba iha bombeirus nian, nomos auto eskada ida, ida nee bele kompleta ona iha munispiu sira hotu.
(jen)
