Sergio: Nomeia Kalohan Sai Embaixador, Estadu Komesa Lakon Nia Integridade

DILI, STLNEWS.co – Relasiona ho Prezidente Republika nomeia António da Conceição “Kalohan” sai hanesan embaixador, jurista konsidera katak, estadu komesa lakon nia integridade.

“Ita hatene katak Kalohan nia prosesu lao hela iha tribunal, maibe prosesu nee seidauk tama iha tranzitu em julgadu (final judgment), no Prezidente Republika nomeia nia hanesan embaixador. Tuir hau nia haree ita nia estadu komesa lakon nia integridade konaba halo servisu estadu nian,” dehan Jurista Sergio Dias Quintas ba STL iha tribunal Dili, Tersa (19/12/2023).

Nia hatete, se nomeia ema ruma ba iha kargu importante, tenki haree ema nia integridatde pesoal, haree ba ema nia rejistu kriminal, liu-liu sira nia kazu nee rejista hela iha Ministeriu Publiku ka ribunal, la merese estadu liu husi Prezidente Republika nomeia ema ruma nudar embaixador ka asumi kargu ruma, tanba sei iha problema justisa, no tuir lo-loos Prezidente Republika tenki komprende.

Nia esplika, se ita nia rai ida nee mak kontinua nafatin ho aktu sira hanesan nee, ita hatudu imajen ladun diak, no estadu bele lakon konfiansa husi povu, tanba estadu laiha integridade, no ema sira neebe estadu tau konfiansa hodi fo pose, laiha integridade atu presta sira nia servisu perante estadu.

(ter)

LEAVE A REPLY

Please enter your comment!
Please enter your name here