Serka Sanitaria Afeta Servisu SFJJ

Diretor Sentru Formasaun Juridiku e Judisiariu, Antonino Goncalves. (Foto: STL/Terezinha de Deus)

DILI, STLNEWS.co – Serka sanitaria neebe implementa iha rai laran, afeta ba servisu Sentru Formasaun Juridiku e Judisiariu (SFJJ) no teste ba kandidatu juiz seidauk realiza, tanba kandidatu balu sei iha Munisipiu labele tama mai iha Dili.

“Serka sanitaria afeta mos ba sentru formasaun, mais iha nee funsionariu sira desde dia 9 nee ami tama hela deit servisu, tanba iha faze inskrisaun ba kandidatu sira. Agora serka sanitaria ba Baucau no Viqueque impede kandidatu sira neebe iha foho no munisipiu seluk labele tama mai Dili, maibe prazu nee ami husik hela kontinua too iha Prokurador nian,” dehan Diretor Sentru Formasaun Juridiku e Judisiariu, Antonino Goncalves ba STL, iha nia knaar fatin Caikoli, Dili, Sesta, (19/30/2021).

Nia esplika, Juiz sira nian hotu ona agora tama iha faze reklamasaun mos hotu ona, iha ona lista definitivu kandidatu ba juiz ho numeru 209 sei haruka ba jornda republika atu sira tuir ezame, hodi bele hetan kandidatu 23 se liu, mais aprova ona kandidatu 23 ba juiz, 23 ba prokurador, no 23 ba defensor publiku.

Nunee agora nee dadaun defensor nian seidauk loke tanba hare ba rekursu umanus neebe seidauk too, agora juiz nian hotu ona prokurador sira nian lao ona iha ona kandidatu hitu nulu resin ona, ho serka sanitaria balu la mai, maibe sei hare prazu nee atu ema neebe hakarak duni bele mai hatama dokumentus.

Diretor nee dehan, agora dadaun formador sira mos halao hela servisu, halo verifika ba dokumentus kandidatu sira nian, no prepara ezame ba sira, tanba ezame nee materia hanesan maibe perguntas la hanesan ba juiz prokurador no defensor sira.

Konaba juiz nian remata ona hein lori ba publika iha jornada da republika, atu determina loron hodi sira foin tuir tes, tanba nee iha loron rua se remata serka sanitaria, foin deside loron tuir ejame.

Tuir observasaun STL nian, maski situasaun Covid-19 maibe iha sentru formasaun, nafatin halao knaar hodi hare ba serbisu neebe iha, seguransa no cleaner balu mos kontinua serbisu.*

Reportajen:Terezinha de Deus
Editora: Carme Ximenes

LEAVE A REPLY

Please enter your comment!
Please enter your name here