Serka Sanitaria Iha Dili, Populasaun Evakua Ba Munisipiu

(Foto: STL/Guilhermina Franco)

DILI, STLNEWS.co – Horikalan munisipiu Dili implementa serka sanitaria halo populasaun barak evakua ba Munisipiu, tanba nee presiza halao teste ba munisipiu hotu. Kestaun nee hatoo husi Deputadu Bankada PLP Abel Pires iha Parlamentu Nasional (PN), Tersa (09/03/2021).

“Horikalan ita halo serka sanitaria iha Dili, populasaun evakua husi Dili ba munisipiu hotu, entaun teste tenke halao ba munisipiu hotu, tanba iha indikasaun forte, ba transmisaun lokal,” katak Deputadu Abel.

Nia dehan, populasaun evakua husi Dili ba Munisipiu, ida nee tempu ona, teste neebe Ministeriu Saude halao tenke ba munisipiu hotu, tanba transmisaun lokal lao ona iha rai laran.

Nunee mos Deputadu husi bankada CNRT, Marcos Xavier hatete, lockdown iha Dili laran, nuudar membru PN tenke hatudu ezemplu diak, tanba labele halo komunidade sira lao sai, maibe membru PN sira ho kareta sai, ida nee ladun fo ezemplu neebe diak. Tanba bandu komunidade labele sai hodi halao sira nia atividade.*

Reportajen: Guilhermina Franco/Domingas Soares
Editor: Ekipa STL

LEAVE A REPLY

Please enter your comment!
Please enter your name here