SERVE: Sertifikadu Kaduka Validu Nafatin

DILI, STLNEWS.co – Servisu Rejistrasaun no Verifikasaun Emprezarial (SERVE, I.P) konsidera sertidaun ou sertifikadu neebe kaduka sei validu nafatin.

Asuntu nee hato’o husi Diretor Ezekutivu SERVE Florencio Sanches dehan, ho situasaun pandemia Covid-19 presiza mos haree situasaun sira nunee, oinsa ho Serka Sanitari (SS) nee haree ba sertidaun ou sertifikadu neebe mak kaduka, nee sei kontinua validu nafatin to’o tempu Konsellu Ministru (KM) determina ona.

“Ho oportunidade ida nee, hau esplika tuir desizaun husi KM ninian, sertidaun no sertifikadu neebe kaduka iha tempu SS ida nee SERVE tuir desizaun ida nee hatete katak, nee validu nafatin, maibe liu tiha balun neebe KM termina, ida nee sira bele mai renova, maibe ba entidades hotu sekarik simu sertifikadu neebe kaduka iha tempu SS nee, halo favor simu ba, tanba ida nee desizaun husi KM ninian, bainhira Konfinamentu Obrigatoriu (KO) nee remata mai fila fali para halo, maibe sei la selu multa, nee sei la kona multa katak, multa neebe durante nee aplika ba SS sei la aplika,” dehan Florencio ba STL iha nia knaar fatin SERVE Hudi Laran, Dili, Kuarta horiseik (08/09/2021).

Nia dehan, hanesan ohin dehan ona katak, se liu loron 14 nee multa US$ 5, maibe ida nee sei la aplika mudansa ruma neebe sira halo to’o iha sira nian atividades laran neebe mak mai, tanba durante iha SS, multa sira nee sei elimina hotu, no sei la aplika to’o data neebe KM deside.

Iha sorin seluk, Jacob de Araujo hanesan nain ba grupu Kurkahe hatete, maske dadaun nee sei iha SS iha ambitu Covid-19, maibe nia rasik husi Atauro mai to’o iha edifisiu SERVE, tanba atu troka ninia naran neebe mak sala iha dokumentus grupu ninian.

“Hau husi Atauro mak mai iha Dili, maske hau renova tiha hau nian dokumentus ba hau nian grupu, maibe hau naran mak sala, nee mak ohin hau lori mai iha SERVE para bele halo los naran sira nee,” dehan nia.*

Reportajen: Jacinta Sequeira/Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: