Servisu Operasaun PolTranz Paradu

DILI, STLNEWS.co – Komando Polisia Munisipiu Dili liu husi Seksaun Tranzitu Nasional durante semana ida labele halo servisu, liu – liu konaba kontrolu movimentu rodoviariu nomos atende asidente iha kapital Dili, tanba kauza husi transporte neebe utiliza hanesan motor ho kareta maioria aat ka avaria hotu.

Komandante Polisia Tranzitu Nasional, Inspetor Xefe Domingos Sarmento Gama justifika, semana ida ona Polisia Tranzitu Seksaun Munisipiu Dili labele halo operasaun, no mos atende asidente sira iha kapital Dili ho urjente, tanba enfrenta problema transporte.

“Se kondisaun transporte mak la ajuda ita nia atividade totalmente paradu, la signfika paradu hotu,” dehan Inspetor Xefe Domingos Gama, Segunda nee (22/11/2021) iha Nia knaar fatin Komando Polisia Munisipiu Dili.

Foto: STL/Efizenia da Costa

Domingos afirma, Komando Polisia Munisipiu tenta husu apoiu transporte ba Komando Jeral Polisia Nasional Timor-Leste (PNTL), maibe laiha resposta, tanba eskuadra polisia no mos seksaun sira hasoru hotu problema hanesan.

Maske nunee, Gama fundamenta, problema hirak nee la sai kestaun no mos la hamate sira nia espíritu atu kontinua halao servisu, hodi kontribui reseitas ba kofre estadu.

(efi)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...