DILI, STLNEWS.co – Programa sesta bazika neebe governu da-8 implementa nudar rekuperasaun ekonomia, maibe bazeia ba faktus neebe mosu, la mentasaun barak nee la dignifika povu.
“Sesta bazika nee konspirasaun no la dignifika povu, bainhira ita bazeia ba faktus mosu protestu husi benefisiariu sira durante nee,” Kestaun nee hatoo husi Observador Politika UNDIL, Lourenco Hugo ba STL via telefone, Domingu nee (07/05/2023).
Nia tenik, ho lamentasaun husi povu sira nee, husu ba governu foun mai karik presiza duni halo audit ba iha programa sira nee.
Nia hatutan, tanba orsamentu neebe tau ba iha programa nee ho montante neebe boot, depois dehan kada ema hetan US$ 50, maibe realidade neebe implementa iha terenu la tuir ninia montante nee rasik, nomos benefisiariu barak too agora seidauk simu sira nia diretu ba iha sesta bazika nee rasik, maski naran tama ona iha lista reklamante.
(dom)
