Sesta Bazika Iha Duni Reklamasaun, Maibe Iha Fatin Balu Deit

Reprezentante povu iha uma fukun Parlametu Nasional (PN), husu ba governu atu tau medidas rigorozu iha area fronteira i ema hotu tenke kumpri regras, karik lakohi koopera maka sei tiru tohar ain. (Foto: STL/Guilhermina Franco)

DILI, STLNEWS.co – Programa sesta bazika lao iha rai laran nee diak, iha duni reklamasaun maibe iha fatin balu deit, labele jeneraliza iha fatin hotu.

Tuir portavos PN atual Sekretaria Meza PN, Deputada Lidia Norbeta katak, sistema diak nuudar fiskalizador haree sistema diak, so ke ida intervenientes iha sistema nee mak iha problema, tanba sesta bazika tuir perspektiva sira nian diak nee tanba buka atu asegura kadeia de merkadu iha rai laran, hanesan produsaun no komersializasaun de alimentus hodi halo nia eskoamentu, nunee asegura interdependensia konsumidores sira nian ba iha nesesidade produtor lokal sira produs aihan iha rai laran.

Konseitu sesta bazika nee diak tebes atu oinsa buka hasae produsaun lokal, problema nee iha nia intervenientes sira nee katak estadu ka laservisu ka lalao mesak, maibe presiza mos tulun husi kompania sira.

“Iha sesta bazika iha reklamasaun duni maibe nee iha fatin ida rua, laos iha fatin hotu, neebe iha reklamasaun nee lasignifika katak ita jeneraliza iha Timor laran tomak.

Iha implementasaun balu diak, maibe iha implementasaun balu ladiak ida nee presiza halo investigasaun, maibe durante programa sesta bazika nee lao sempre iha CAC, Aifaesa, PDHJ no mos jornalista sira. Maibe husu para akompana mos ida diak nee, labele ba akompana deit ida aat”, katak Lidia, Sesta nee iha PN.

Tuir nia, media mos tenke tenta halo balansu i tenke investigativu atu nunee haree buat sira nee balansu ka ekilibriu, tanba media sai mos parseiru diak ba governu, atu nunee governu bele haree ida neebe mak sesta bazika diak no ida neebe ladiak.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here