Sesta Bazika La Rekupera Ekonomia Povu

DILI, STLNEWS.co – Reprezentante povu iha uma fukun Parlamentu Nasional (PN), kestiona programa sesta bazika la lori benefisiu ba povu, tanba ai-han sira ne’e han ba semana ida nian, no sesta bazika la rekupera ekonomia povu, maibe atu mengisi ke-vakuman deit.

Kestaun nee fo sai husi Deputadu Antonio da Conceicao ba STL, Segunda nee (27/09/2021) iha Parlamentu Nasional.

“Hau haree programa sesta bazika nee hanesan mengisi ke-vakuman deit, tanba ulun la hatene atu halo saida, tanba nee estabelese sesta bazika, la fo benefisiu ba povu, no koalia tan dehan sesta bazika atu halo rekuperasaun ekonomi, nee atu rekupera husi neebe, tanba sesta bazika nee fo ba ema han loron ida rua nian,” dehan deputadu nee.

Nia mos afirma liu tan, atu halo rekuperasaun ekonomia iha rai laran, tenke garante ninia sustentabilidade no produsaun tenke kontinua, maibe hafoin simu tiha sesta bazuka, programa kontinuasaun laiha ona, no sesta bazika nee balun to’o agora seidauk simu.

Iha parte seluk, liu husi telefone Ofisial Programa Ajar Inocencio Xavier hatete, programa sesta bazika laos atu rekupera ekonomia povu, maibe atu ajuda povu aguenta ba han semana ida rua nian, no aat liu tan mak povu sira neebe hatama reklamasaun to’o agora seidauk hetan ai-han sesta bazika.

“Ami koalia beibeik ona katak, atu hadia ekonomia povu nian, mak governu tenke tau importansia ba setor produtivu sira, ho nunee bele hasae produsaun ai-han iha laran, sirkulasaun osan labele lao iha nasional deit, maibe tenke to’o iha area remotas iha baze.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...