Setembru Nakroma II Too TL; Pagamentu Atinje 75%

Prezidente APORTIL, Flavio Cardoso Neves. (Foto: Madalena Horta)

DILI, STLNEWS.co – Pagamentu neebe governu Alemanha selu atinje 75%, tanba nee iha fulan Setembru tinan nee Nakroma II sei too Timor Leste.

Liu husi intrevista Prezidente APORTIL, Flavio Cardoso Neves hatete, total pagamentu ba Nakroma II nee governu TL selu ona 75%, NakromaI II nee sosa tanba governu TL parseria diak ho governu Alemanha.

“Ita agradese ba governu Alemanha tanba sira apoiu ita iha Nakroma II nee kuaze 7.5 milloens, tanba nee 6 milloens ba konstrusaaun Nakroma II, no 1.5 milloens ba konsultor, tan nee governu Alemanha kuaze selu hotu ona, ita hela 4 milloens ital euro atu bele halo kompleta, no total orsamentu neebe governu selu ona ba Nakroma II nee kuaze 75% ona, hela deit naton hodi kompleta,” dehan Flavio ba STL,
iha nia knaar fatin portu Dili.

Nia afirma, total pagamentu ba Nakroma II selu ona 75% tanba nee, hela deit ona 25%, no fulan ida nee (Abril) nia laran Ro Nakroma II hahu lansa ona ba iha tasi laran, maibe TL iha problema uituan konaba prosesu, maibe parte APORTIL nafatin halo esforsu neebe diak atu nunee bele iha solusaun neebe diak, no problema mak pontu entrada atu halo pagamentu, tanba fulanJullu nia tenke koko ona nia sasan sira nee, hafoin ida nee nia tenke lao neneik mai ona, bainhira fulan Setembru nia tenke too ona TL.

Tuir Prezidente APORTIL katak, governu hahu prepara kondisaun ba Nakroma II, ida neebe mak bele uza Timor oan, no ida neebe bele uza estranjeiru, tan nee Nakroma II sei fo mos kampu servisu ba Timor oan barak, tanba haree ba kapasidade, Timor oan barak mak iha konsementu diak konaba ro nian, nee oportunidade ba Timor oan atu kompete.*

Repotajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here