Setembru Nakroma II Too TL

DILI, STLNEWS.co – Planu governu, Setembru 2021 Berlin Nakroma II sei too TL, hodi apoiu Nakroma 1 halo operasaun iha rai laran.

Ba STL Segunda (21/06/2021) nee, Prezidente APORTIL, Flavio Cardoso hateten, politika governu nian ba Setembru 2021 Nakroma II bele too ona TL, tanba nee iha posiblidade, APORTIL ho Diresaun nasional Transporte Terestre (DNTT) halo hela esforsu, karik iha posiblidade sei aranka ba Xina hodi haree direta kondisaun Nakroma II, tanba iha Jullu agora kompania neebe konstrui ro nee sei halo prova de tasi (koko ona ba tasi) hodi haree nia ekipamentus sira nee funsiona ho diak ka lae.

“Iha fulan Jullu nia laran ami sei aranka ba Xina hodi haree diretamenta kondisaun Nakroma II, karik prova ba tasi nia ekipamentus diak hotu ona maka Setembru Nakroma II bele mai ona TL,” dehan Prezidente APORTIL, Flavio Cardoso.

Nia katak, haree ba moras mundial neebe maka mundu hasoru inklui TL, bele fo influensia ba prosesu nee tomak, maibe APORTIL hamutuk ho DNTT nomos governu nafatin halo esforsu atu nunee Nakroma II bele too iha TL tuir tarjetu neebe iha.

Iha parte seluk Deputadu Antonio Verdial hatutan, Nakroma II hetan apoiu husi governu Alemanha no mos governu TL, no tuir informasaun katak, 2021 nee nia bele mai ona TL, tanba konstrusaun finaliza ona.

” Hau hanoin ita hasoru hela pandemia, nasaun barak maka taka sira nia fronteira, tan nee fiar katak la defikulta prosesu nee tomak, maibe ita nafatin halo akompaniamentu karik iha posibilidade ita bele ba haree,” dehan nia.

Nia afirma liu tan, haree ba kondisaun Nakroma I, kada tinan tenke ba halo manutensaun rutina iha rai liur, tan nee ro privadu sira maka subtitui, no Nakroma II finaliza ona bele mai TL hodi bele reforsa diak liu tan Nakroma I hodi halo operasaun ba rai ketan Oecusse ho Atauro.*

Reportajen: Madalena Horta / Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: