Setor Privadu Tenke Prepara An, Molok Investor Inetrnasional Mai

DILI, STLNEWS.co – Sosiedade Sivil husu ba Setor Privadu rai laran  atu prepara an didiak, bainhira Timor Leste loke odamatan ba Kompania internasional sira mai investe iha TL, oinsa setor privadu rai laran labele sai penonton ba investor rai liur.

“Kompania iha TL tenke servisu makaas hodi kompete ho kompania sira husi rai liur, se lae mak ita nafatin sai penonton, no kompania internasional sira mak sei domina ita nia merkadu, tanba Setor Privadu sira iha rai laran haree husi termus kapital sei depende ba projetu governu, liu husi Orsamentu Jeral Estadu (OJE), Setor Privadu rai laran seidauk iha kapital rasik atu halo projetu boot ruma, depois governu halo pagamentu,” kestaun nee fo sai husi Diretor FONGTIL, Daniel Santos do Carmo ba STL Sesta nee (29/10/2021) iha Novu Turizmu.

Iha parte seluk, Prezidente Camara Comersiu industria TL, (CCI-TL) Oscar Lima hatutan, Setor Privadu iha rai laran balun deit mak depende ba projetu govenru nian, maibe iha balun neebe preparadu atu kompete ho investor rai liur sira, laos ema hotu depende ba projetu governu.

“Hau hanoin setor privadu sira maioria la depende deit ba projetu governu nian, karik atu depende deit ba projetu governu mak oras nee Setor  Privadu barak lulun biti ona, tanba durante impase politika mai to’o Covid-19, halo kapital dezenvolvementu laiha, projetu foun laiha, maibe setor privadu sei bele moris,” dehan Prezidente CCI-TL Oscar Lima.

(mad)

LEAVE A REPLY

Please enter your comment!
Please enter your name here

NEWS UPDATE

Komemora Loron Proklamasaun, Presiza Hadia Povu Nia Moris

DILI, STLNEWS.co – Maske estadu gasta osan hodi komemora loron proklamasaun independensia, maibe povu barak sei moris iha mukit. "Hau nia hanoin tinan - tinan...

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...