Sidadaun WNI 118 Fila Ba Indonezia

Governu Indonezia liu husi Embaixada iha Timor-Leste repatria fila sira nia sidadaun nain 118 (Warga Negara Indonesia), fila ba sira nia nasaun, ho Aviaun Nam Air foin lalais nee. (Foto: STL/Claudios de Jesus)

DILI, STLNEWS.co – Governu Indonezia liu husi Embaixada iha Timor-Leste repatria fila sira nia sidadaun nain 118 (Warga Negara Indonesia), fila ba sira nia nasaun, ho Aviaun Nam Air foin lalais nee.

Liu husi karta komunikadu imprensa neebe STL asesu liu husi Kedutaan Besar Republik Indonesia (KBRI) Dili, Sesta (8/01/2021) katak, ihin loron 8 fulan Janeiru 2021 Kedutaan Besar Republik Indonesia (KBRI) manifesta katak halo repatrisaun sidadaun Indonezia neebe durante hela iha Dili, hamutuk 118 husi Dili ba Kupang ho Aviaun Nam Air, husi totál sidadaun hirak ne’e nain 80 sei ba iha Jawa no restante husi sira ne’e balun sei hela iha Timor Osiadenteál no Bali.

Iha nota komunikadu nee klarifika, sidadaun 118 durante nee hela iha Timor maioria servisu iha parte migrasaun iha Embaixada Indonezia, servisu iha área kontrusaun, mediku (tenaga medik), balun servisu iha mebel, funsionariu kompañia nian negosiante no emprezariu sira.

Aviaun Nam Air neebe tula pasajeiru sira nee ho aluga ka charter flight husi sidadaun sira nee rasik. Tanba aviaun komersiál provizoriumente la halo opersaun kauza husi estadu emerjensia (lockdown) no pandemia Covid-19.

“Objetivu husi repatrisaun ba sidadaun sira nee balun atu ba vizita sira nian familia, tanba haree katak desde kauza pandemia Covid-19 sidadaun sira ne’e la fila ba sira nian rai, no husi sidadaun balun cuti servisu husi fatin neebe sira servisu ba hodi ba vizita sira nian familia”, dehan karta komunikadu nee.

Karta komunikadu nee rasik mos mensiona husi repartisaun nee rasik ka voo nee parte KBRI halo ona koodenasaun ho Governu Timor-Leste.

No bainhira sidadaun sira ne’e too iha Kupang autoridade Gugus iha Kupang neebe responsavél ba Covid-19 sei halo cek covid-19 ba sidadaun sira nee

Bazea ba despaisu númeiu 4 tinan 2020 hodi submete ba regras protokolu saude nian, bainhira sidadaun sira nee too iha Kupang sei kumpri karantina durante loron lima hafoin ida nee sei halo teste PCR (Swab) tes Covid-19 hodi hatene katak sidadaun sira Indonezia nian neebe repatria husi Dili ba Kupang nee negativu, hafoin hela iha karantina ho nunee maka sira sei fila ba fatin destinadu idak idak.*

Reportajen: Claudios de Jesus
Editor: Carme Ximenes

LEAVE A REPLY

Please enter your comment!
Please enter your name here