SIJK Seidauk Rekomenda Governu Impoin KO Iha Quelikai

DILI, STLNEWS.co – Ministru Prezidensia Konsellu Ministru (MPKM) Fidelis Leite Magalhaes katak, sala situasaun Sentru Integradu Jestaun Krize (SIJK) seidauk rekomenda ba governu atu implementa Konfinamentu Obrigatoriu (KO) ba iha Postu Administrativu Quelikai.

Porta voz governu nee katak, governu kontinua akompana dezenvolvimentu situasaun iha Quelekai, no dadaun nee iha unidade ida vijilansia epidemolojika husi Minesteriu Saude, neebe mak dadaun nee halo hela sira nia servisu iha Postu Administrativu Quelikai, Munisipiu Baucau.

Tuir nia, informasaun neebe mak ekipa vijilansia epidemolojika relata katak, iha ema hamutuk 54 mate, maibe kauza husi mate nee dadaun nee sei iha hela investigasaun, tanba nee iha semana oin sira sei aprezenta infromasaun kompleta.

“Agora husi proposta neebe mak sala situasaun SIJK no Ministeriu Saude, konta mos ho informasaun teknika mai husi ekipa neebe mak halo vijilansia ba moras nee, nia daet ka epimiolojika nee seidauk rekomenda atu implementa KO iha Postu Adminsitrativu Quelikai, nomos postu sira seluk iha Munispiu Baucau,” dehan Ministru Fidelis hafoin remata enkontru Konsellu Ministru iha Palasiu Governu, Dili, Kuarta nee (22/09/2021).

Nia dehan, rekomendasaun neebe mak SIJK aprezenta ba KM iha kuarta feira nee, konaba hakotu Serka Sanitaria (SS) iha Munisipiu Baucau, maibe SJIK-MS husu para hasae numeru vasinasaun ba populasaun sira iha Munisipiu Baucau, inklui iha Postu Administrativu Quelikai, nunee sidadaun sira bele proteje sira nia an husi Covid-19 nee.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...