Sik Ema Mate Tanba Covid-19, Presiza Investiga

DILI, STLNEWS.co – Reprezentante povu iha uma fukun Parlamentu Nasional (PN), kestiona pesoal saude ida iha Natarbora neebe tuur iha fatin, hodi sik ka deskonfia deit katak, ema mate tanba Covid-19, presiza halo investigasaun.

Tuir Deputada Bankada KHUNTO Irenia Gonjaga hatete, agora iha fatin hotu ema mate barak – barak, maibe sente triste oituan ho pesoal saude iha Munisipiu Manatuto, Postu Administrativu Natarbora nian, nia hanesan pesoal saude ida neebe sik ka deskonfia deit katak, ema sira nee mate tanba Covid-19.

“Hau sente triste, kuandu pesoal saude ida tuur iha fatin sik deit hanesan ema matan dook, nia la tuun direta ba iha baze hodi halo indentifikasaun, no la halo teste swab ba ema sira nee, depois ema mate nia dehan katak, ema sira nee mate tanba Covid-19,”dehan Deputada Irenia Gonzaga iha PN, Kuarta nee (22/09/2021).

Nia afirma, hanesan reprezentante povu sente triste tebes – tebes, tanba nee husu ba governu, liu – liu ministeriu relevante atu toma atensaun, halo samada ba pesoal saude nee, atu nunee bainhira koalia tuir nia dalan, labele sik deit hanesan ema matan dook.

Iha fatin hanesan, Deputadu Bankada CNRT Gabriel Soares dehan, ho akontesimentu neebe iha Natarbora nian, neebe pesoal saude tuur hodi sik deit, nee sukat ba sukat mai katak, ida nee grave.

Nia dehan, se iha Ermera ita deskonfia deit Delta tama iha neeba, hodi implementa lockdown no halo konfinamentu.

“Agora ida nee mate, depois pesoal saude ida mak fo sai katak, mate deskonfia ho Covid-19 no segundu fraze hatete katak, mate nee iha sinal tanba Covid-19, ami husu ba ministeriu relevante tuun atu halo investigasaun ba aktus sira hanesan nee, tenke halo investigasaun,” dehan nia.

Nia hatutan, tanba ida nee hanesan ita sik ba sik mai, maibe ita akonpana hela katak, ema mate balun, tanba tiu no avo balun nee ho moras TB, kuaze tinan ba tinan, no distinu mak to’o ona, tanba nee husik hela mundu.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...