Silvestre Rejeita Informasaun Kera Sakti Involve Problema Iha Inglatera

DILI, STLNEWS.co – Prezidente Organizasaun Ikatan Kera Sakti Putra Timor Leste (IKS.PTL) rejeita informasaun publiku konaba Kera Sakti involve iha problema, tanba joven Timor oan sira iha Inglatera individu mak halo problema, laos organizasaun Kera Sakti.

“Dala barak ita interpreta sasan sira nee oin-oin deit, kuandu nia ba Inglatera nee ema individu mak ba, laos Kera Sakti, tanba organizasaun nee kiik liu iha nasaun ida,” tenik Prezidente IKS.PTL, Silvestre Sufa, ba STL iha Bidau Lisidere, Dili, Kinta nee (04/08/2022).

Nia dehan, dala ruma ema nia interpreta ba liu fuan nee mak sala hotu, tanba organizasaun arte marsiais nunka halo konflitus, ida halo problema nee individu, se dehan Kera Sakti entaun iha karta ruma Prezidente IKS hakerek para haruka joven sira ba, ka oinsa.

Entretantu, Prezidente Komisaun Reguladora Arte Marsiais, Octavio da Concecao hatete, problema entre joven sira iha Inglatera nia parte konsidera laos arte marsiais, maibe nee individu, tanba la uza atribuitu arte marsiais.

“Komisaun Reguladora Arte Marsiais konsidera aktus violensia nee laos organizasaun arte marsial, maibe individu idak-idak mak iha intensaun hodi hamosu problema nee,” katak nia.

(mar)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...