SIMILIE – SEPS Diskute Sistema Alerta Inundasaun Iha Sidade Dili

DILI, STLNEWS.co – Kompania lokal ho naran SIMILIE neebe hetan apoiu husi Uniaun Europeia, no Mercy Corps Inklui Koica, hamutuk ho Sekretariu estadu Protesaun Sivil (SEPS), halao debate konaba sistema alerta inundasaun iha sidade Dili laran, ba komunidade sira liu liu iha fatin risku ba dezastre naturais.

Jestor kompania SIMILIE, Arsenio de Jesus hatoo kestaun nee ba jornalista sira bainhira halao enkontru iha salaun JL Vila Fatuhada, Dili, Tersa (22/06/2021).

Nia dehan, iha faze primeiru tinan kotuk no iha momentu neeba halo avaliasaun ba area ida nee, maka fo ameasadu ba komunidade, sira hamutuk ho ekipa halo survei ba mota ida neebe maka sai hanesan amaesadu primeiru maka hanesan mota Bekora, Maloa, Becuse, nomos Kuluhun.

“Ohin ita enkontru nee tanba haree liu ba dezastres naturais ka inundasaun neebe maka akontese liu liu ba komunidade sira neebe maka hela iha Dili laran, no inklina an iha fatin risku dezastres naturais hanesan ita haree liu liu iha mota haat nee maka sai ameasadu tebes ba ita nia komunidade sira, tantu iha tinan kotuk ami hamutuk ho ekipa rasik ba peskiza hotu ona iha fatin sira nee hotu atu identifika sistema monitorizasaun saida maka atu implementa,” dehan nia.

Nia hatete, enkontru ba ohin nee nia kontinuasaun ba faze dahuluk no ba segundu nia atu implementa ba sistema alerta rasik mos sei implementa hamutuk ho governu no entidades sira hotu, nomos husi nasional operasaun nian.

“Sistema alerta sedu nee hanesan sistema ida neebe maka sei fo alerta ba ita nia komunidade sira, maibe atu nunee sira mos prepara ho diak atu nunee sira mos bele salva sira nia an husi dezastres naturais,” dehan nia.

Nia hatutan, programa nee sei halo lansamentu iha tinan nee nia laran, espera tinan nee iha fulan Novembru komesa ona implementa iha diresaun nee ba faze segundu nian bele to fulan Dezembru.

“Programa nee halao husi kompania SIMILIE, neebe hetan apoiu husi Uniaun Europeia, Mercy Corps no Koica. No total orsamentu ba iha projetu ida nee kuaze $7000 resin,” dehan nia.

Iha fatin hanesan, Sekretariu Estadu Protesaun Sivil (SEPS) Joaquim Gusmão hatete, Protesaun Sivil nia papel maka oinsa antes akontese dezastres naturais bele hamutuk ho entidades sira seluk hanesan meiu ambiente halo prevensun.

“Ita nia programa nee ita foku liu ba iha faze ida nee nian antes atu akontese dezastre nian, tanba nee maka ita presiza atu uza sistema ida neebe maka bele fo alerta diak ba ita nia komunidade sira neebe maka moris iha iha fatin risku ba dezastres no kondisaun infraestrutura sira neebe maka iha ba dezastres inundasaun hodi alerta ba komunidade sira,” dehan nia.

Nia esplika, iha loron 4 fulan Abril neebe maka akontese inundasaun nee iha Dili maka sai hanesan episentru boot liu ba iha inundasaun neebe maka akontese, laos iha fatin seluk lahetan estragus, maibe iha Dili nee maka sai duni episentru, ema barak maka afeta ba situasaun ida nee.*

Reportajen: Efizenia da Costa
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: