DILI, STLNEWS.co – Tuir Prezidente Eletrisidade de Timor-Leste Empreza Publika (EDTL, E.P.), Paulo da Silva hatete, sistema EDTL, E.P. erru tanba rede Telkomcel mak la diak, nunee komunidade sira tenki hadau malu sosa pulsa EDTL.
“Ita haree rede internet husi Telkomcel la diak, ninia impaktu ba sistema erru, tanba ita uza rede Telkomcel nian, maibe loron seluk normal,” hatete Prezidente EDTL, E.P., Paulo da Silva ba STL iha salaun Ministeriu Saude (MS), Dili, Sesta (17/03/2023).
Nia dehan, sistema erru iha loron 1 fulan Marsu 2023 nee ninia kauza iha rua, ida mak ema hotu-hotu hadau malu ba hola pulsa. EDTL, E.P. sempre fo avizu ba kliente iha fulan ida sira seidauk sosa pulsa, depois sira sosa iha loron 20 sira sei hetan bonus pulsa.
Problema ida seluk mak rede Telkomcel nian neebe EDTL. E.P uza, tanba nee rede ladiak, ema hotu-hotu dala ida ba hola pulsa sistema bele erru.
(jen)
