DILI, STLNEWS.co – Diretor Asosiasaun HAK, Sisto do Santos Lanara “Kene-Kene” fila hikas ona ba Aman Maromak nia kadunan santu, hafaoin halao tratamentu mediku iha Hospital Nasional Guido Valadares (HNGV).
Tuir informasaun neebe STL asesu husi famlia iha Sesta dader (17/3/202), matebian Sisto do Santos Lanara “Kene-Kene” hakotu iis iha HNGV Sesta madrugada iha oras tuku 5 ho balun.
Hafoin halo tratamentu ba nia moras, iha hori bainrua loraik (15/3/2023) familia desidi lori matebian ba halo tratamentu iha HNGV, hafoin halo teste ba matebian, rezultadu neebe mediku fo sai dehan matebian sofre moras Leukemia.
Nunee ohin iha madrugada dader nee, matebian Sisto do Santos Lanara “Kene-Kene” fila hikas ona ba Aman Maromak nia kadunan santu, hodi husik hela familia hela feen no oan inklui karos kolega, amigu, neebe durante akompanha nia iha nia vida moris.
Matebian Sisto do Santos Lanara “Kene-Kene” mos husik hela ninia luta neebe nia halo perante nia sei moris, hodi defende injustisa sosial neebe sei kontinua buras iha ilha lafaek nee nia leten.
(cri)
