SLB Kontra Aitana Impata 0-0

DILI, STLNEWS.co – Relasiona ho jogu primeira divizaun Liga Futebol Timor Leste, ekipa AD SLB Laulara kontra adversariu Aitana Fc impata 0-0.

Jogu rua nee realiza iha estádiun Munisipal Dili, Sabadu nee (20/11/2201).

Ekipa rua nee hahu kedas tama kampu laran hodi defende ida – idak nia ekipa, hodi hetan vitoria iha jogu refere, ekipa rua nee lansa atake ba malu ho ritmu jogu nian neebe mak hanesan, maske nunee la konsege  produz golu to’o termina parte dahuluk nian.

Enkuantu oras deskansa termina, ekipa rua nee nafatin kontinua joga nafatin, ekipa husi AD SLB Laulara neebe mak reforsa hikas husi jogador Aquelis Nahak Portela, maske sira hetan oportunidade barak hodi produz golu, maibe la konsege rezulta golu tanba bola neebe mak sira lansa hetan salva husi guarda rede ekipa adversariu Aitana Fc, maske nunee ekipa Aitana Fc mos la hamate sira nia vontade, hodi lansa hela deit bola ba iha ekipa adversariu Ad SLB, maibe la rezulta golu tanba guarda rede no defeza AD SLB la fo fatin, maske nunee ekipa 2 nafatin mantein sira nia pozisaun hodi lansa nafatin bola, maibe la realiza golu to’o termina jogu refere ho rezultadu nafatin 0-0.

Hafoin jogu termina, treinador ekipa AD SLB Laulara Efrem Jeronimo hatete, iha oportunidade neebe barak maibe sira la uza ho didiak.

“Maibe hau sente kontente, tanba hau nia jogador neebe selesaun sira ba iha liur nain 7, maibe hau ho jogador sira candangan maibe ami esforsu an nafatin para bele hetan fahe pontus nee hanesan,” tenik nia.

Nia dehan, ba oin sira mos sei esforsu an para atu hetan 3 pontus.

Enkuantu treinador Aitana Fc Octavio Araujo hatete, iha segunda parte sira sei falla nafatin, maibe nee konsekuénsia jogu nian.

“Falta neebe ami iha, depois jogu tuir mai ami sei hadia hotu konaba frakeza hirak neebe mak ami enfrenta ohin hasoru AD SLB Laulara,” nia hakotu.

(mar)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...