Soe Bebe Hanesan Oho Ema

DILI, STLNEWS.co – Arse Bispu Metropolitana ba Arquedioseze Dili, Dom Virgilio do Carmo da Silva SDB hatete, ba foin sae sira neebe soe bebe, hanesan ona oho ema no  kontra Maromak nia ukun fuan sanulu.

Kestaun nee Arse Bispu Dom Virgilio haktuir ba jornalista sira, hafoin remata misa iha Katedral Dili, Domingu nee (19/09/2021).

“Ita ema nee kriatura Nai Maromak nian, nee duni laiha ema ida, atu hasai ema seluk nia vida,” dehan Dom Virgilio.

Bibi Atan Uma Kreda nee dehan, kosok oan Ida nee husi domin Nai Maromak nian, fo liu husi ita ema, nee duni Iha responsavel atu hadomi, respeita no tau matan ba kosok oan.

Tanba domin mak ema kous, nee duni husu nafatin ba foin sae sira hatene halo tuir no kuida responsabilidade, respeita ba iha moris neebe Nai Maromak fo, laos atu soe.

Dom Virgilio husu ba inan aman sira mos akompana oan sira nia situasaun, liu – liu iha momentu sira neebe iha difisil nia laran, ajuda fo korajen ba sira, atu nunee tane aas imajen kriatura Maromak nian. Laos moe ho ida nee, ikus mai lori labarik soe no estraga.

“Soe bebe nee hanesan oho ema, hasai ema nia vida neebe kontra Nai Maromak nia ukun fuan,” hatete Arse Bispu.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...