Sorteiu Kandidatura PR, Antonio Maher numeru 1, Lu-Olo numeru 2

DILI-Kandidatura Prezidente Republika (PR) periodu 2017 too 2022 hamutuk nain 8 dada ona sorteiu numeru kandidatura nian, objetivu atu nunee kandidatura sira bele hatene idak-idak nia numeru.

Prezensa iha serimonia dada sorteiu nee, kandidatura Prezidente Republika (PR) balun lamarka prezensa, maibe balun reprezenta deit husi ekipa kandidatura nian.

Serimonia dada sorteiu nee diriji husi Prezidente Tribunal Rekursu (TR), Guilhermino da Silva hatete, ida nee mak rezultadu sorteiu ba kandidatura sira, atu atrubui numeru iha vuletin votus.

Numeru 1 atribui kandidatu Antonio Maher Lopes, 2 atribui ba kandidatu Francisco Guteres Lu-Olo, 3 atribui ba kandidatu Amorim Vieirra, 4 atribui ba kandidatu, Jose Antonio de Jesus das Neves, 5 atribui ba Kandidatu, Jose Luis Guterres, 6 atribui ba kandidata, Maria Angela Freitas da Silva, 7 atribui ba Kandidatu, Luis Alves Tilman, 8 atribui ba Kandidatu, Antonio da Conceicao,” dehan Prezidente TR, Guilhermino iha sala TR, Caicoli-Dili, Sesta (17/02/2017).

Iha fatin hanesan, Diretor Jeral STAE, Acilino Manuel Branco dehan, dada sorteiu nee nudar prosesu kontinuasaun husi hatama kandidatura sira nian ba iha TR. Nia salenta, depois dada sorteiu nee remata TR kontinua halo notifikasaun kandidatura nain 8 nia numeru neebe mak iha ba iha STAE no CNE.

Entertantu, Kandidatura PR numeru 6, Maria Angela Freitas dehan, numeru 6 nee hanesan simbolu esperansa, maibe importante liu mak votus konfiansa povu nian. Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...