Sosa Material Ba Militar, Lere Lakoi Fo Tender Ba Kompania

DILI, STLNEWS.co – Xefe Estadu Maior Jeneral das Falintil Forsa Defesa Timor Leste (F-FDTL), Tenente Jeneral Lere Anan Timur hatete, nia hatoo ona ba Prezidente Republika (PR) Francisco Guterres Lú Olo hodi hatoo tutan ba Primeiru Ministru katak material ba instituisaun militar, Lere lakoi fo tender ba kompania mak hola.

Tenente Jeneral Lere anan Timur hatoo kestaun nee ba jornalista, bainhira remata hasoru malu ho PR iha Palasiu Prezidente Bairru Pite, Kuarta (23/06/2021).

Nia hatutan, iha hasoru malu nee nia informa situasaun armadas nia ba Prezidente nuudar supremu forsa armadas. No Lere mos foti kestaun balun konaba forsa armadas nia, liu liu nesesidade tinan ba tinan tau osan ba forsa armadas. Iha mundu tinan ida tau osan 20 milloens, tinan oin aumenta, maibe Timor leste kontrariu tun fali 15 milloens.

“Hau hatoo ba Prezidente Republika para hatoo ba Primeiru Ministru katak ba instituisaun militar, ba material militar hau lakoi fo ba kompania, instituisaun ba direta fabrika, nee militar, nee laos sosa hahan ka saida mak tender nee, maibe nee material de geira, nee kilat no kilat musan buat sira nee tenke ba direta, instituisaun ba fabrika ou governu ba fabrika, labele hanesan uluk nee kilat musan mos tender, sosa kilat mos tender, sosa kareta mos tender, por que dala ruma interese iha laran,” hatete Tenente Jeneral Lere.

Nia hatutan, buat hotu tender dala ruma interese iha laran, no tender para porsentu tama.

Iha hasoru malu nee, Lere mos hatoo konaba situasaun forsa armadas nia ho situasaun rai laran no rekrutamentu ba membru F-FDTL foun ba Prezidente Republika.

Iha hasoru malu nee, Prezidente Republika Francisco Guterres Lú Olo nuudar komandante supremu forsa armadas husu Komandante F-FDTL, Tenente Jeneral Lere Anan Timur atu tau matan didiak ba forsa armadas nunee kumpre diak misaun neebe mak iha.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: