Sosiedade Sivil Husu MP Investiga Karta Xanana

DILI – Intervensaun Kay Rala Xanana Gusmão nian ba kasu korupsaun iha Timor Leste laos deit kazu Emilia Pires no Madalena Hanjam, maibe durante nee mos halo ona intervensaun ba servisu justisa nian. Ezemplu kazu Maternus Bere iha tinan 2009, Calistro Gonzaga iha tinan 2014 too 2015.

Tuir membru sosiedade sivil, Inocencio Xavier hatete katak, haree ba hirarkia Sr. Ministru Palneamentu no Investimentu Estratejiku (MPIE), Kay Rala Xanana Gusmão nee laiha ligasaun ho tribunal tanba sa mak hakerek karta aberta.

Ministeriu Publiku tenke investiga karta aberta Xanana nian, atu hatene ninia hakarak nee saida, Primeiru Ministru mos bele halo enkontru ho nivel konselu Ministru atu hatene konaba Ministru ida hakerek karta ba publikasaun nee,” dehan Inocencio ba STL iha edifisiu HAK, Farol-Dili, Sesta (03/02/2017).

Inocencio esplika, asaun ida nee labele politiza sasan sira nee hodi iha eleisaun atu ema labele komprova katak, uluk nee maun Xanana dehan se mak nauk 5 cent sai. Inocencio salenta, karta ida nee atu hafraku sistema justisa iha Timor Leste tanba ema ruma deit hakerek karta ida nee no ida neeba dehan ladiak maibe, agora hatun kredibilidade institusional.

Iha fatin ketak, Observador Politika-UNDIL, Hugo Lorenso dehan, Timor Leste hamriik ho orgaun soberanu 4 ho orgaun 4 nee idak-idak halo nia servisu ketak labele halo interfere servisu ba orgaun ida nian. Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...